Qostanaı oblysy Rýdnyı qalasynyń ákimi bolyp Qýandyq Ispergenov taǵaıyndaldy. Bul týraly oblys ákiminiń baspasóz qyzmeti habarlady. 

Baspasóz qyzmetiniń málimetinshe, Qostanaı oblysynyń ákimi Arhımed Muhambetov Rýdnyı qalalyq máslıhatynyń depýtattarymen kelise otyryp, óz ókimimen Rýdnyı qalasynyń jańa ákimi Qýandyq Ispergenovty taǵaıyndap, jergilikti aktıvke usynǵan. 

Qýandyq Haıdaruly Ispergenov 1970 jyly 8 shildede Qostanaı oblysy Jitiqara aýdany Aqqaraǵa aýylynda dúnıege kelgen. Eki joǵary bilimi bar. Rýdnyı ındýstrıaldyq ınstıtýtyn "ınjener-qurylysshy" mamandyǵy boıynsha jáne Qostanaı áleýmettik akademıasyn "Zańger" mamandyǵy boıynsha bitirgen.

Qýandyq Ispergenov buryn Beıimbet Maılın atyndaǵy aýdan ákimi qyzmetin atqarǵan.