Búgin túnde Qyrǵyzstan astanasy Bishkektegi Ala-Too alańynda parlament saılaýy nátıjesimen kelispegender mıtıńi qaqtyǵysqa ulasty. Narazy azamattar "Aq úıdi" basyp alyp, tergeý ızolátory men kolonıadaǵy eks-prezıdent Almazbek Atambaevty jáne burynǵy premer-mınıstr Sapar Isaqovty jáne mınıstrler kabınetiniń eks-tóraǵasy Jantoro Satybaldıevty bosatty, dep jazady 24.kg.
Aq úıdiń keıbir kabınetteri men májilis zaly qıratylǵan. Kompúterller joǵalyp, esik áınekteri shaǵylǵan. Aq úıdegi órtti sóndirgennen keıin kóptegen qabatta tóbeden sý tamshylap tur.
Qazir qalada jaǵdaı turaqty. Kósheler tastan, shyny shólmekterden tazarlyp jatyr.
Narazylyq aksıasy bolǵan Ala-Too alańyna búgin saılaý nátıjesimen kelispegen sherýshiler qaıta jınala bastady.
Qalanyń basqa bóligi "Forým" ǵımaratynyń aldyna Almazbek Atambaevtyń jaqtastary jınalyp jatyr. Olar "Aprel" arnasy arqyly tikeleı efırge shyqpaq.
Osy ýaqytta qalanyń ózge aımaǵynda prezıdent Sooronbaı Jeenbekov jaqtastary prezıdentti qoldap mıtıńke shyqty.
Bishkektegi birinshi tergeý ızolátory mańyna Atambaevtyń jaqtastary jınalǵan. Olar 2019 jylǵy 7-8 tamyzdaǵy qoı-tash oqıǵasy boıynsha sottalǵandardyń bárin bosatýǵa nıetti.
Mıntıngshiler qalalyq ákimdiktiń ǵımaratyn basyp alyp, Qalanyń jańa meri retinde Jooshbek Kaonalıevti jarıalady.
Sooronbaı Jeenbekov partıa ókilderimen kezdesýdi josparlap otyr.
Túngi qaqtyǵys saldarynan 590 adam aýrýhanaǵa tústi. 30 adamnyń jaǵdaıy aýyr. Mıtıńshilerdiń biri qaıtys boldy.
Pikir qaldyrý