Qyrǵyzstan prezıdenti Sooronbaı Jeenbekovtyń Bishkekte ekeni habarlandy. Bul týraly onyń baspasóz hatshysy Tolgonaı Stamalıeva málimdedi.

Buǵan deıin prezıdenttiń elden ketip qalǵany týraly habar taraǵan bolatyn. Keıinnen onyń baspasóz hatshysy bul aqparatty joqqa shyǵardy. 

– Qazirgi kezde ol Bishkekte, – dedi Tolgonaı Stamalıeva. 

Memleket basshysynyń baspasóz hatshysy Jeenbekov "jaǵdaıdy baqylap, barlyq saıası kúshtiń eldiń múddelerin óz múddelerinen joǵary qoıatynyna, el azamattaryn tolǵandyratyn basqa da qaýipterge jol bermeıtinine senim bildiretinin atap aıtty.

– Qazirgi jaǵdaıdy eskere otyryp, prezıdent OSK-ǵa parlamenttik saılaý qorytyndylaryn joıýǵa deıingi buzýshylyqtarǵa baılanysty materıaldardy muqıat zertteýge keńes berdi, – dedi Stamalıeva.

Eske sala keteıik, Qyrǵyzstanda 4 qazanda ótken parlament saılaýynyń nátıjesimen kelispegen azamattar Bishkekte narazylyq aksıasyna shyqty.

5 qazanda kúndiz narazylyqqa shyqqan azamattar saılaý qorytyndysynyń kúshin joıyp, jańa saılaý ótkizýdi talap etýde.

Oqı otyryńyz: "Atambaev qaıta prezıdent bola ma?". Qyrǵyzstandaǵy mıtıńke jeli reaksıasy