Qyrǵyzstannyń ishki ister mınıstri mindetin atqarýshy Kýrsan Asanov qazir prezıdent Sooronbaı Jeenbekov pen áli kúnge deıin otstavkaǵa ketpegen ishki ister mınıstri Qashqar Júnisálıevtiń qaıda ekenin bilmetinin aıtty, dep habarlady 24.kg.

– Shynymdy aıtsam, men qazir basqa máselelermen aınalysyp jatyrmyn. Bishkektegi jaǵdaıdy retke keltirýdemiz. Kórip otyrǵandaryńyzdaı, kesheden beri biz qaladaǵy jaǵdaıdy baqylaýǵa alyp, tártipsizdikterdiń aldyn aldyq. Biz osy baǵytta jumys isteýdi jalǵastyramyz. Jeenbekovty jáne basqalardy izdestirýmen ózge de qurylymdar aınalysady dep oılaımyn. Biz onyń qaı jerde ekenin bilmeımiz. Ony izdemeımiz, qazir basqa da jumystar kóp.  Eń bastysy eldegi tártipti qamtamasyz etý, – deıdi ol.

Buǵan deıin prezıdenttiń baspasóz hatshysy Tolgonaı Stamalıeva Jeenbekovtiń Bishkekte ekenin málimdegen.