Qyrǵyzstannyń astanasy Bishkekte bolǵan mıtıń kezinde qaıtys bolǵan azamattyń denesi Batken oblysynda jer qoınyna tapsyryldy, dep habarlady Sputnik Kyrgyzstan agenttigi.

Úmútbek Altynbek ýýlý 2001 jyly Leılek aýdanynyń Kara-Býlak aýylynda dúnıege kelgen. 9 jyldyq mektepti aıaqtaǵan soń, Oqýyn Bishkek qalasynda jalǵastyrǵan. Bishkektegi orta kásiptik ýchılısheni bitirgen, tigin mamandyǵy boıynsha jumys istep jatqan.

Eske salsaq, 5 qazan kúni Bishkek qalasynda parlamet saılaýynyń nátıjesine narazy bolǵan top mıtıń ótkizgen. Keıinirek jınalǵandar "Aq Úıdi" basyp alýǵa áreket jasap, artynsha tártip saqtaý qyzmetkerlerimen qaqtyǵysyy alǵan. Sonyń saldarynan 686 adam jaraqattanǵan.

Olardyń arasynda 19 jastaǵy Úmútbek Altynbek ýýlý da bolǵan. Ol granata jarylǵan kezde aıaǵynan jaraqat alyp, aýrýhanaǵa jetkizilgen. Biraq dárigerler jigittiń ómirin saqtap qala almady.