Qazaqstannyń Syrtqy ister mınıstrligi Qyrǵyzstandaǵy qazaqstandyq kásiporyndardyń jaǵdaıyna qatysty málimdeme jasady.

"Qyrǵyz Respýblıkasyndaǵy qazaqstandyq ınvestorlarǵa tıesili birqatar kásiporyndarǵa shabýyldar men olardy basyp alý áreketterine baılanysty úlken alańdaýshylyq bildiremiz. 

Kásiporyndardyń Qazaqstan Respýblıkasynyń azamattary bolyp tabylatyn qyzmetkerlerine kúsh jumsaý jáne osy kásiporyndardyń múlkin joıý týraly qaýip-qater kórsetý faktileri erekshe alańdatady.

Qazaqstandyq kompanıalar sońǵy jyldary Qyrǵyzstan ekonomıkasyna 1 mlrd. AQSH dollarynan astam ınvestısıa quıyp, kórshi eldiń áleýmettik-ekonomıkalyq damýyna eleýli úles qosty.

Qyrǵyz tarapyn Qazaqstan azamattarynyń da, Qyrǵyzstan aýmaǵyndaǵy qazaqstandyq kompanıalardyń da qaýipsizdigin qamtamasyz etý boıynsha dereý sharalar qabyldaýǵa shaqyramyz" delingen vedomstvo taratqan habarlamady.