Qyrǵyzstan prezıdenti Sooronbaı Jeenbekovtyń otstavkaǵa ketýi múmkin degen aqparatty onyń baspasóz hatshysy joqqa shyǵardy. Bul týraly ria.ru saıty habarlady.
– Prezıdenttiń óz erkimen otstavkaǵa ketýi týraly másele talqylanbaıdy da kóterilmeıdi de, – dedi Tolgonaı Stamalıeva.
Sonymen qatar, baspasóz hatshy Qyrǵyzstan premer-mınıstri Kýbatbek Boronovtyń otstavkaǵa ketýi týraly aryz prezıdenttiń aldyna jetpegenin aıtty.
Búgin Sooronbaı Jeenbekovtyń jańadan saılanǵan parlament spıkeri Myktybek Abdyldaevpen telefon arqyly sóıleskeni habarlandy. Taraptar eldegi máselelerdi quqyqtyq alańda sheshýge nazar aýdarǵan.
Pikir qaldyrý