Instagram-daSHyǵys Qazaqstan oblysynda polısıa qyzmetkeri basshysynyń zańsyz iske májbúrlegenin aıtqan vıdeo jarıalandy.

Vıdeoúndeý avtorynyń aıtýynsha, ol 2013 jyldan beri ákimshilik qamaýǵa alynǵan adamdardy ustaý ızolátorynda jumys isteıdi. Bıyl 27 shildede jumystaǵy kezekshilik ýaqytynda kezekshi ofıser Sharman aýdandyq polısıa bólimi bastyǵynyń mindetin ýaqytsha atqarýshyǵa qońyraý shalýyn suraǵan. Ol ákimshilik kodekstiń 608-baby boıynsha sot úkimimen 15 táýlikke qamalǵan 1970 jylǵy sottalýshyny bosatý keregin aıtqan. Sottalýshy kórshi aýylǵa jerleý rásimine baryp keletinin eskertken. 

– "Eshkimge baıqatpaı baryp keledi" dedi. Basshym jaýapkershilikti óz moınyna alatynyn aıtty. Prokýrormen keliskenin de aıtty. "Aýyryp qaldy" degen syltaýdy aıtýymdy surady. Biraq men onyń buıryǵyn oryndaýdan bas tarttym, – deıdi polıseı.

Onyń aıtýynsha, polısıa qyzmetkeri barlyǵyn dıktafonǵa jazyp alǵan. Ol jaıtty ishki ister mınıstri men bas prokýrorǵa habarlaǵan. Tártiptik komısıanyń sheshimimen ony qyzmetinde qaldyryp, tolyq emes qyzmet jazasyn taǵaıyndaý jaıly sheshim qabyldanǵan. Polıseıge "Jumysyńdy aýystyrǵyń kele me?" degen.

Polıseı "bul istiń jaýapsyz qalǵanyn qalamaımyn. Sonda antty ne úshin berdim? Sot sheshiminiń ol úshin zańdy kúshi bolmasa, ol ózin kimmin dep oılaıdy?" delingen vıdeoúndeýde.