Soltústik Koreıa áskerı paradta jańa strategıalyq qarýlaryn, onyń ishinde kontınentaldy balıstıkalyq zymyrandy kórsetkennen keıin, Ońtústik Koreıa úkimeti shuǵyl májilis ótkizdi. 

"Phenánnyń bıleýshi ​​jumysshylar partıasynyń qurylǵanyna 75 jyl tolýyna oraı uıymdastyrylǵan sharada Soltústik Koreıa basshysy Kım Chen Yn emosıonaldy túrde sóz sóıledi" delingen Ońtústik Koreıa prezıdentiniń keńsesi tarathan habarlamada.

Sondaı-aq jıynda súńgýir qaıyqqa jiberiletin balıstıkalyq zymyran qamtylyp, jańa qarý-jaraqtar jáne olarǵa qarsy Seýldiń qorǵanys qabileti týraly aıtylǵan. Sonymen qatar, ózara áskerı qaqtyǵystar men soǵystyń aldyn-alý úshin jasalǵan  kelisimderge "moıynsuný kerektigi" eskertilgen.

Ońtústik Koreıa qorǵanys mınıstrliginiń ókili jeksenbide Soltústik Koreıanyń joıǵysh qarý-jaraqtarynyń jarıalanýyna baılanysty "alańdaýshylyq" bildirgenin jáne jańa qarýdy Vashıngtonmen birge egjeı-tegjeıli taldap jatqanyn málimdegen. AQSH-tyń joǵary laýazymdy tulǵalarynyń biri NBC News-ke Soltústik Koreıanyń qarý-jaraqtardy jarıalaýy "kóńil kónshitpeıtinin" aıtqan.