SHQO-da basshylyqtan qysym kórip jatqany týraly vıdeoúndeý jarıalaǵan polıseı atyshýly vıdeoǵa qatysty pikir bildirdi. Bul týraly ol megapolis.kz Instagram paraqshasynda aıtty.
– Men esh ókinbeımin. Men zań sheńberinde áreket ettim. Aıtatynymnyń barlyǵyn aıttym, alyp-qosarym joq, – dedi Erkebulan Meırembaev.
Onyń aıtýynsha, qazirgi ýaqytta isti tekserip jatyr. Nátıje áli belgisiz.
– Maǵan qysym kórsetilip jatqan joq. Bári jaqsy, men jumystamyn. Sońǵy kúnderi kóbi maǵan qońyraý shalyp jatyr, bireýi qoldasa, bireýi sógip jatyr. Telefondy qýattap úlgermeı jatyrmyn. Biraq basshylyqtan menimen eshkim baılanysqa shyqpady, eshkim qysym kórsetken joq, – dedi Erkebulan Meırembaev telefon arqyly.
Eske sala keteıik, buǵan deıin polıseı áleýmettik jelide vıdeoúndeý joldap, basshysy mas kúıinde kólik júrgizgeni úshin 15 táýlikke qamaýǵa alynǵan adamdy zańsyz bosatýǵa májbúrlegenin aıtqan.
Pikir qaldyrý