Memleket basshysy Qasym-Jomart Toqaev premer-mınıstr Asqar Mamındi qabyldady, dep habarlady Aqorda saıty.

Úkimet basshysy prezıdentke eldiń 9 aı ishindegi áleýmettik-ekonomıkalyq damý qorytyndylary jóninde esep berdi.

Sonymen qatar Mamın Qasym-Jomart Toqaevqa birqatar salada damýdyń oń qarqyny baıqalatyny týraly baıandady. Atap aıtqanda óńdeý ónerkásibiniń ósimi 3,3%-ǵa jetken, qurylys kólemi 10,5 %-ǵa, turǵyn úılerdiń paıdalanýǵa berilýi 9%-ǵa nemese shamamen 9,6 mıllıon sharshy metrge artqan. Aýyl sharýashylyǵyndaǵy ósim kórsetkishi 5%-dy qurady. Qazaqstannyń altyn-valúta qory men Ulttyq qor aktıvteri 1 qazandaǵy málimet boıynsha 91,1 mıllıard dollarǵa jetti.

Úkimet basshysynyń aıtýynsha, qyrkúıekte qyzmet kórsetý salasyndaǵy belsendilikti qaıta qalpyna keltirý jumystary bastaldy. Osy rette tamyz aıymen salystyrǵanda saýda-sattyq 2,7%-ǵa, baılanys 1,3%-ǵa, kólik jáne qoıma qyzmeti 1,2%-ǵa artqan. Qyzmet kórsetý sektoryndaǵy ósim shaǵyn jáne orta bıznestiń jandanǵanyn bildiredi. Bul jańa jumys oryndarynyń ashylýyna jáne azamattardyń ál-aýqatynyń jaqsarýyna yqpal etedi.