Amerıkadaǵy prezıdent saılaýy jaqyndaǵan saıyn, tosynnan bolatyn jańalyqtar da mańyzyn arttyra túsedi. AQSH-ta  saılaý aldyndaǵy kelisimdi ózgerte alatyn, úmitkerlerdiń bireýiniń paıdasyna tarazyny sheshetin oqıǵa nemese aqparattar bolsa, ony "qazan jańalyǵy" deıdi. Bul týraly ria.ru aqparat agenttigi habarlady.

Agenttiktiń aıtýynsha, "qazan jańalyǵy" aldyn-ala nemese stıhıaly túrde daıyndalýy múmkin. Endi eki úmitkerge de (Donald Tramp pen Djozef Baıden) osyndaı tosyn jańalyqtyń qajet ekeni aıtylǵan.

Jaqynda AQSH pen Reseı prezıdentteriniń birlesken málimdemesinde, eki el "strategıalyq shabýyl qarýyn odan ári qysqartý jáne shekteý" (SNV) negizdemelik qujatyna qol qoıý týraly saıası, prınsıpıaldy kelisimge qol jetkizgen. Alaıda Reseı amerıka prezıdentinen birneshe sharttardy talap etip otyr. Tramp ol sharttardy oryndaǵan jaǵdaıda, Reseı oǵan "qazan jańalyǵyn" jasaýǵa kómektesetin kórinedi. 

Agenttiktiń aıtýynsha, Tramp Pýtınmen kelisim jasaǵysy keledi. Sondyqtan Pýtın usynǵan sharttardy oryndaýy bek múmkin. 

AQSH prezıdenti Donald Tramp Florıdada sóılegen sózinde qarsylasy, demokratıalyq partıadan prezıdenttikke úmitker Djo Baıdenniń ıntellektýaldyq qabiletine baǵa berip, onyń Reseı prezıdenti Vladımır Pýtınnen, Qytaı tóraǵasy Sı Szınpınnen jáne KHDR lıderi Kım Chen Ynnan kem ekenin aıtqan bolatyn.