Norvegıa bıligi tamyz aıynda eldiń parlamentiniń elektrondyq poshta júıesine kıbershabýyl jasaǵany úshin Reseıdi aıyptady.

Norvegıanyń syrtqy ister mınıstri Ine Erıksen Soreıde muny memlekettiń "eń mańyzdy demokratıalyq ınstıtýtyna" qatysty aýyr oqıǵa dep atady.

"Úkimetke qol jetimdi aqparatqa súıene otyryp, bul árekettiń artynda Reseı tur dep baǵalaımyz" dedi ol eshqandaı dálel keltirmeı.

Máskeý bul málimdemeni qabyldamaı, ony "qasaqana arandatýshylyq" dep atady.

Sereıde málimdemesinde Norvegıanyń qaýipsizdik jáne barlaý qyzmetteri "bul máselemen ulttyq deńgeıde kúresý úshin tyǵyz yntymaqtastyqta" ekenin aıtty.

Buǵan jaýap retinde Reseıdiń Oslodaǵy elshiligi eshqandaı dálelder keltirilmegenin aıtyp, "qolaısyz" habarlandyrýǵa kelispeýshiligin bildirgen.

Qyrkúıek aıynda Norvegıa bıligi birneshe sheneýnikke tıesili elektrondyq poshta jazbalary kıbershabýyl kezinde buzylǵanyn jáne keıbir aqparat júktelgenin málimdedi. Biraq buzý nátıjesinde keltirilgen zıannyń tolyq mólsheri jarıa etilmegen.

Norvegıanyń bul aıyptaýy Reseımen qarym-qatynastary shıelenisip turǵan kezde paıda boldy. Eki el de Arktıkamen shektesedi, al Norvegıa NATO-nyń múshesi.