Mınıstrlik málimetinshe, 83 adamnan koronavırýs, 321 adamnan koronavırýs ınfeksıasynyń belgileri bar pnevmonıa anyqtalǵan.

Bir kúnde 143 naýqas koronavırýstan, 269 pasıent pnevmonıadan jazylyp shyqqan. 3 adam qaıtys bolǵan.

Mınıstrlik qazirgi tańda 2862 adam koronavırýs ınfeksıasynan em qabyldap jatqanyn habarlady.

"Olardyń arasynda 88 bala bar. Stasıonarlarda 2 073 naýqas jatyr. 789 adam ambýlatorıalyq jaǵdaıda emdelýde. Jalpy naýqastardyń arasynda 79 adamnyń ahýaly nashar. Sonyń ishinde 12 naýqastyń ahýaly asa qatty aýyr dep baǵalanýda. 12 naýqas ókpeni jasandy jeldetý apparatynda jatyr" delingen habarlamada.

Dúnıejúzilik densaýlyq saqtaý uıymy, shetel jáne Qazaqstan ǵalymdary koronavırýs belgileri bar pnevmonıanyń shyn máninde koronavırýs ekenin málimdegenine qaramastan, Qazaqstan bıligi koronavırýs pen pnevmonıa statısıkasyn jeke-jeke júrgizip keledi.

Elde koronavırýs anyqtalǵan alǵashqy kúnnen búginge deıin 108 984 adam vırýs juqtyrǵan. Onyń 104 346-sy jazylyp shyqsa, 1768 adam qaıtys bolǵan.