Almaty qalasynyń Bas memlekettik sanıtar dárigeri Jandarbek Bekshın koronavırýs ınfeksıasynyń aldyn alý maqsatynda jańa qaýly shyǵarǵany habarlandy.

Qaýlyǵa sáıkes:

• Otbasylyq, saltanatty jáne estelik (banketter, úılený toılary, qalyńdyqty shyǵaryp salý, mereıtoılar, eske alý) buqaralyq is-sharalardy ótkizýge tyıym salý saqtalady.
• Mádenı jáne oıyn-saýyq sıpatyndaǵy túrli qyzmetterdi (karaoke, kalán, bılárd, túngi klýbtar, boýlıń-ortalyqtar, jabyq úı-jaılardaǵy atraksıondar, fýd-korttar, kınoteatrlar, balalar oıyn alańdary men batýttar) usynatyn mádenı-demalys mekemeleriniń, sondaı-aq demalys kúnderi azyq-túlik jáne azyq-túlik emes jabyq bazarlardyń jumysyna tyıym salý saqtalady.
• Zańdy tulǵalar, kásipkerlik sýbektileri, olardyń uıymdyq-quqyqtyq nysanyna jáne vedimistik baǵynystylyǵyna qaramastan, qyzmetkerlerdiń keminde 30 paıyzyn qashyqtyqtan jumys isteý formatyna kóshirýdi qamtamasyz etý qajet (shtat kestesi 30 adamnan astam bolǵan kezde).

Sondaı-aq ol qalanyń qoǵamdyq densaýlyq basqarmasy sımptomsyz jáne jeńil nysandaǵy KVI-men, sonymen qatar anyqtalmaǵan pnevmonıamen aýyratyn naýqastardy úıde oqshaýlaýdy, saqtaý sharttaryn mindetti túrde oryndaý týraly qolhat berýdi qamtamasyz etý qajettigin atap ótti.

Qujattyń tolyq nusqasyn myna silteme arqyly kóre alasyz