Aýyl sharýashylyǵy mınıstri Aqylbek Qajyǵululy qazirgi ýaqytta aýyldarda ınternet sapasynyń nasharlyǵyn aıtyp, sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsınǵa suraq qoıdy.

– Sizderdiń málimetterińiz boıynsha aýyldyq eldi mekenderdiń 69 paıyzy ınternet jelisimen qamtamasyz etilgen. Biz aýyldyq aımaqtardy damytý boıynsha aldymyzdaǵy 23-shi qazanda bolatyn parlamenttik tyńdaýdyń aıasynda, sol aýyldarda arnaıy saýalnama júrgizdik. Respondentterdiń bireýi de aýylda ınternettiń sapaly istep turǵanyn aıtpady. Endi qashan bul aýyldarda sapaly ınternet bolady? Naqty jaýap berseńiz, – dedi aýyl sharýashylyǵy mınıstri.

Mınıstr Baǵdat Mýsınniń aıtýynsha, búgin 1200 aýylǵa ınternet jelisi tartylǵan.

– Ol básekelestik orta. Biz mınıstrlik bolyp oǵan baryp ınternet berip jatqanymyz joq. Lısenzıa, radojilikterdi berdik. Al, olardy baqylaý úshin tıisti quzyrettilikke ózgerister engizý qajet. Baqylaý normalaryn kúsheıtý kerek. Eger de ınternet ustap tursa, ony bar dep sanaýǵa májbúrmiz. Biz olarǵa aıyppul da bere almaımyz, májbúrli áreketter de qoldana almaımyz. Sondyqtan birinshi zańǵa ózgerister engizý qajet. Ekinshiden, siz qashan dep surap jatyrsyz. Ol kezeń-kezeńmen bolatyn nárse. Búgin 1200 aýylǵa optıka jetti. Optıkalyq ınternet – eń jaqsysy. Al, basqa aýyldar da optıka joq. Sondyqtan optıka joq jerde sapany kóterý máselesin qolǵa alý qıyn bolady. Qazir 1200 aýylǵa optıka jetkizýde 75 mlrd teńge ketti. Ári qaraı barlyq jerge optıkany tartý úshin taǵy 200-300 mlrd teńge qarajat kerek. Sondyqtan bul salada naqty sharalar jospary bar. Biraq qaladaǵydaı sapasy jaqsy bolýy úshin barlyq jerge optıka qajet, – dep atap aıtty Mýsın.