Taldyqorǵandaǵy «Atameken» kásipkerler palatasynda «G-Time corporation» kompanıasynyń uıymdastyrýymen «Densaýlyq jáne sulýlyq kúni» atty kórme. Sharada atalmysh kompanıanyń hımıalyq qospasyz ónimderi kópshilikke tanystyrylady. Sonymen qatar, Taldyqorǵan qalasyndaǵy kópbalaly jáne jaǵdaıy tómen 10 otbasyna kómek retinde azyq-túlik jáne zaýyt ónimderi salynǵan  sebetter úlestirdi.

Jıynnyń ashylý saltanatynda sóz alǵan «G-Time corporation» kompanıasynyń genarnyı dırektory Dáýren Jumaǵulov:

– G-Time – tek Qazaqstanda ǵana emes, shetelde de eń iri jáne eleýli korporasıalardyń biri bolyp tabylady. Qazaqstandyq «G-time corporation» kompanıasynyń «Shuǵyla Shýngıt»,  "Golden Time Group"  degen zaýyttary bar. Bul zaýyttardan densaýlyqqa paıdaly ári baǵasy qoljetimdi ónimder shyǵady.  Ónimderdiń  quramynda joǵarǵy deńgeıli tazartý jáne emdik qasıtetterge ıe shýngıt bar.  Qazirgi tańda osy zaýyttardan shyǵaryp otyrǵan dúnıelerdi ınovasıalyq ónim dep ataýǵa tolyq negiz bar. Óıtkeni mundaı ónim dúnıejúziniń eshbir elinde joq. Qazaqstanda  shyǵyp otyrǵan paıdaly zattar álemniń 82 memlekettinde úlken suranysqa ıe bolyp otyr, – dedi.

Osydan keıin  atalmysh kompanıanyń trener-konsýltant, kosmetology Gúlnar Myrzabeova:

– Taza, tabıǵı otandyq ónimdi jurtshylyqqa tanystyrý úshin búgingi sharany uıymdastyrýdy jón kórdik. Maqsat – hımıalyq qospasyz jasalǵan otandyq ónimniń paıdasyn kórsetý. Búginge deıin bizdiń kompanıadan shyqqan sabyndar men túrli kremder 33 túrli teri aýrýlaryna kómektesti. Emdik qasıeti óte mol ónimderimiz – kúndelikti qoldanysqa arnalǵan. Eń keremeti – erlerge, áıelderge, balalarǵa dep bólinbeıdi. Barlyǵy qoldana berse bolady, – deı kele shyǵarylyp jatqan ónimderdiń árqaısysyna jeke-jeke toqtalyp, jurtshylyqqa paıdasyn tolyqtaı tarqatyp berdi. Sondaı-aq, sharany uıymdastyrýǵa muryndyq bolǵan oblys ákimdigi men «Atameken» kásipkerler palatasynyń qyzmetkerlerine alǵysyn aıtty.

Osydan keıin kompanıa qyzmetkerleri turmysy tómen otbasylarǵa azyq-túlik pen otandyq ónim salynǵan sebetter taratty. Kómek alǵan turǵyndar jany jaısań jomart jandarǵa alǵysyn aıtyp, aqjarma tilekterin aqtardy.

Shara barysynda turǵyndarǵa teri quramyn tazalaý, massaj jasaý, ylǵaldylyqty toltyrý, úıde qol-aıaqty qalaı kútý kerektigi syndy birqatar qyzmetter tegin kórsetildi. Iá, sharaǵa jınalǵan halyqtyń qarasy óte kóp boldy. Olar kezek-kezekpen mekemege kirip keńesterin alýda. Aınaldyrǵan 2-3 saǵattyń ózinde 100-den astam turǵynǵa tegin kómek kórsetildi. Tipti, «Ketpeńizder, jumystan soń kelemiz», – degen jandar kóp boldy. Al arnaıy qyzmet alǵandar kompanıa qyzmetkerlerine alǵystaryn jaýdyrdy.

50-den astam ónim túrlerin shyǵaratyn kásiporynda – qol jáne aıaq kremi, kosmetıkalyq bálzamdar, sýsabyn, dýshqa arnalǵan gelder, skrabtar, bet maskalary, denege arnalǵan losóndar syndy kóptegen kremderiń túrleri bar eken. Sonymen qatar, teri aýrýlarymen kúresýge múmkindik beretin sabyn óndiriledi. Bul zattar aldymen zerthanalarda, odan keıin ónerkásiptik synaqtardan ótkiziledi. Tek sodan keıin ǵana jappaı óndirýge jáne satýǵa jiberiledi. Bul ónimder tek Qazaqstan boıynsha ǵana emes, alys-jaqyn shetelderge de taratylady.

Aıdar QALIEV