Qazaqstandyq dızaıner Sábıt Syrahannyń  (Sábıt Bisen-niń) ólimine qatysty Almaty polısıa departamenti pikir bildirdi. Polısıaǵa 18 qazanda túngi ýaqytta qońyraý kelip túsken, dep habarlady polısıa departamentiniń baspasóz qyzmeti.

– "102" púltine qońyraý shalǵan adamnyń aıtýynsha, úıdiń aýlasynda belgisiz er adamdar bastapqyda daýlasyp, artynsha tóbelesken. Nátıjesinde olardyń bireýi qulap, ekinshisi qylmys ornynan jasyrynýǵa tyrysqan. Oqıǵa ornyna kelgen dárigerler toby adamnyń ólimin tirkedi. Onyń aty-jóni birden anyqtaldy, ol 1989 jylǵy B esimdi er adam, – dedi polısıa departamentindegiler.

Qylmysty jasady degen kúdikpen 1991 jylǵy er adam ustaldy. Polısıa málimetinshe, kúdikti qylmys jasaǵanyn moıyndaǵan.

Kúdikti ýaqytsha ustaý ızolátoryna qamaldy.

Derekti Bostandyq aýdandyq polısıa basqarmasy qylmystyq kodekstiń 99-babynyń 1-bóligi ("Kisi óltirý") boıynsha tergep jatyr. Tergeý barysy Almaty polısıa departamenti basshylyǵynyń baqylaýynda.

18 qazanda qazaqstandyq dızaıner Sábıt Syrahannyń qaıtys bolǵany habarlanǵan bolatyn.

Sábıt Syrahan – tanymal streetwear-brendiniń dızaıneri.