17-qazan kúni Aqtóbe oblysynyń ákimi Ońdasyn Orazalın Mártók aýdanynyń áleýmettik- ekonomıkalyq jadaıymen tanysyp, pandemıanyń aldyn- alýǵa baǵyttalǵan jumystardy baqylady. 

Oblys ákimi Saryjar aýylyndaǵy órt sóndirý beketiniń ashylý rásimine qatysty. 1987 jyly salynǵan nysan bıyl kúrdeli jóndeýden ótip, órt sóndirý beketi retinde paıdalanýǵa berildi. Azamattyq qorǵaý organdarynyń 25 jyldyǵyna arnalǵan sharaǵa oblys ákiminiń birinshi orynbasary Nurjaýǵan Qalaýov, TJD bastyǵy azamattyq qorǵaý polkovnıgi Marǵulan Amanbaev, Polısıa departamentiniń basshysy Arystan Atyǵaev, t.b qutqarý qyzmetiniń ókilderi qatysty. Oblys ákimi avarıalyq-qutqarý tehnıkalarymen tanysyp, beket ǵımaratyn aralady. 

“Jankeshti eńbekterińiz ben boryshqa adaldyqtaryńyz úshin alǵys bildiremin. Azamattyq qorǵaý organdary sheshetin mindetterdiń mańyzdylyǵyna eshkim shek keltire almaıdy. Aýa raıynyń qandaı jaǵdaıy bolmasyn, aptap ystyqpen, qytymyr aıazda, órtten de, sýdan da, tabıǵı apat, nemese adam qolymen jasalǵan tilsiz jaýlardan arashalaýǵa bizdiń qutqarýshylar árqashan daıyn. Aqtóbe oblysynda aǵymdaǵy jyly 2900-ǵa jýyq avarıalyq-qutqarý jumystary júrgizilgen. Nátıjesinde 2000-ǵa jýyq adam qutqarylǵan, 100-den asa adamǵa alǵashqy medısınalyq kómek kórsetilgen”,-dedi Ońdasyn Orazalın. Qutqarý qyzmeti salasyndaǵy 7 azamatty alǵys hatpen marapattap, tehnıkalyq avtokólikterdiń kiltin tabystady. Jańa órt sóndirý beketiniń jeke quramy 23 qyzmetkerden, 4 avtokólik, 6 qosalqy tehnıkalarymen jabdyqtalǵan. 

Aımaq basshysy Batys Qytaı Batys Eýropa jol boıynda jańadan iske qosylǵan servıs kesheniniń jumysymen tanysty. «Eco Oil» servıstik kesheni eýropalyq standartqa saı salynyp, jolaýshylarǵa jaǵdaı jasalǵan. Dúken, tamaqtaný orny, jýynatyn bólme t.b bar. Joba quny 400 mln tg quraıdy. 23 adam jumyspen qamtylǵan. Oblys ákimi Saryjar aýyldyq okrýgindegi qıar, qyzanaq egýmen aınalysatyn jylyjaı kesheniniń jumysyn qarady. “Anesov” JSHS sharýashylyǵy alǵashynda ósimdikti ashyq alańǵa ekken. 2020 jyldyń maýsym aıynda 1 ga aýmaq egin aýmaǵyn qorshap, jylyjaı keshenin saldy. Tamshylatyp sýarý tásili qoldanylady. Kúnara 1,5 tonna ónim jınalyp, Aqtóbe qalasynyń saýda oryndaryna jetkizilýde. Kásipker aldaǵy ýaqytta egistik kólemin keńeıtýdi josparlaıdy. Jergilikti 10 ǵa jýyq azamat jumyspen qamtyldy. Ońdasyn Orazalın “Jumyspen qamtý jol kartasy” baǵdarlamasy aıasynda júzege asyrylǵan aýylishilik Áıteke bı, Jańaqonys kósheleriniń ortasha jóndeýin baqylady. Joba quny 113,4 mln tg qarjyny quraıdy. Jóndeýi sáýir aıynda bastalyp tamyz aıynda aıaqtaldy. 2021 jyly aýylishilik 8 kósheni jóndeý josparda. Óńir basshysy budan soń «Jaısań» shekara beketindegi koronavırýstyq ınfeksıanyń taralýyn aldyn-alý maqsatynda azamattardyń shekaradan ótý kezindegi sanıtarlyq talaptardyń saqtalýy boıynsha qabyldanǵan sharalardy baqylady. 

  QR UQK Shekara qyzmetiniń Aqtóbe oblysy boıynsha departamentiniń bastyǵy Álimjan Bakıev oblys ákimine jaǵdaıdyń turaqtylyǵyn baıandady. Beketten 5 bólmeli arnaıy ızolátor ashylǵan. Onda shekaradan ótken azamattar tekserýden ótedi. Medısına, polısıa qyzmetkerleri úzdiksiz qyzmet atqarýda. Aıtyp óteıik, 6 qazannan bastap shekaradan PTR( polımerazdy tizbekti reaksıa) testten ótken anyqtamasy bar azamattarǵa ótýge ruqsat etile bastady. 

Jaısań aýylyndaǵy kópsalaly kolejiniń jataqhanasynan 100 oryndyq koronovırýstyq ınfeksıamen kúresý maqsatyndaǵy stasıonardyń, dárigerlik ambýlatorıa qurylysymen, «Jumyspen qamtý jol kartasy» baǵdarlamasy aıasynda iske asyrylyp jatqan 

«Jaısań arnaıy bilim berý uıymy» KMM jóndeý jumystarymen tanysty.

150 balaǵa arnalǵan bilim uıasynyń kúrdeli jóndeýi 2020 jyldyń mamyr aıynda bastalǵan.Memlekettik baǵdarlama boıynsha 120 mln.tg. qaraldy. Aımaq basshysy ǵımarat ishin aralap, sapasyn joǵary baǵalady. Qazirgi tańda 93 bala tárbıelenýde. Jergilikti 30 azamat jumyspen qamtyldy. Mártók aýylynda dárigerlerge arnalǵan “Meıirimdi júrek” qurmet taqtaıshasy ashyldy. Ońdasyn Orazalın eskertkish ornatylǵan aleıada aýdandyq dárigerlermen kezdesip, syn saǵatynda jan aıamaı eńbek etkenderi úshin alǵys bildirdi. Demalys ornyna shyrsha aǵashyn otyrǵyzdy. 

Aımaq basshysy “Dostyq”, “Jastyq” saıabaqtarynyń , «Arbat» kesheniniń abattandyrý jumystarymen tanysty. 

 «Jumyspen qamtý jol kartasy» baǵdarlamasy aıasynda quny 166,8 mln tg  

Mártók aýdandyq mádenıet úıine kúrdeli jóndeý jumystary júrgizilgen. Sondaı-aq, 

Qaratoǵaı aýyldyq okrýgine qarasty 

«Aqtóbe – Rodnıkovka – Mártók» avtomobıl jolynyń 68-93 km ýchaskesiniń ortasha jóndeý júrgizildi. Joba quny 168,2 mln.tg. quraıdy. Jospar boıynsha jóndeý jumystary 2021 jyly aıaqtalady. Joba tolyq júzege asyrylsa Aqtóbe- Mártók jolyndaǵy avtokólikterdiń aǵyny azaıyp, jolǵa artyq kúsh túspeýine septigin tıgizbek. 

Jumys saparyn qorytyndylaǵan oblys ákimi aýdan basshysy Ermek Kenjehanulyna áleýmettik-ekonomıkalyq damý qorytyndysy boıynsha ónerkásip óndiris kólemin arttyrýdy, jumyssyzdardy turaqty jumyspen qamtý boıynsha birqatar naqty tapsyrmalar júktedi.