Atyraý oblysynda oqýshy qyz agressıvti ata-anasynan qorǵaý týraly ótinishpen vıdeoúndeý jarıalady.

Oqýshynyń Instagram-daǵy paraqshasynda jarıalanǵan vıdeodan ákesi jýylmaǵan ydys-aıaq úshin qyzyna ursyp jatqannyn kórýge bolady.

"Ótinish, kómektesińizdershi!. Men olarmen (ata-anammen - red.) kún saıyn bir shańyraq astynda ómir súrýge qorqamyn. Bul zorlyq-zombylyqqa birneshe jyldan beri shydap kelemin. Men ony (vıdeony - red.) jarıalaý arqyly durys istep jatyrmyn ba bilmeımin. Maǵan qazir jáne erteń ne bolary belgisiz" delingen qyzdyń jazbasynda.

Kadr artynda qyzdyń ákesine vıdeony jelige jarıalaıtynyn eskertkeni estiledi.

Keıinirek qyz ata-anasynyń reaksıasynan qorqatyndyqtan, vıdeony kóp jarıalamaýdy ótingen jazba jarıalady.

Polısıa isti baqylaýǵa alǵanyn aıtty.

"Atyraý oblysy polısıa departamenti áleýmettik jelilerdegi monıtorıń barysynda er adamnyń (ákeniń) kámeletke tolmaǵan qyzyna urysyp, beıádep sózder aıtqan beınejazbany anyqtady.

Fakti boıynsha Qazaqstan Qylmystyq kodeksiniń 140 - baby "kámeletke tolmaǵan balany tárbıeleý jónindegi mindetterdi oryndamaý" boıynsha sotqa deıingi tergeý júrgizilýde" delingen polısıa departamentiniń baspasóz qyzmeti taratqan habarlamada.