"Reseılik hakerler Tokıodaǵy Olımpıada oıyndaryna kedergi keltirý maqsatynda kıbershabýyl uıymdastyrýda" dep habarlady BBC.

Ulybrıtanıa syrtqy ister mınıstrliginiń aqparatynsha, Reseıdiń áskerı barlaý qyzmeti Tokıo olımpıadasyna qatysty laýazymdy adamdar men uıymdarǵa qarsy "kıber barlaý" júrgizgen.

Shabýyldar oıyndarǵa deıin boldy. Koronavırýs pandemıasyna baılanysty olımpıada oıyndary 2021 jylǵa shegerilgen.

Alaıda sheneýnikter kıbershabýyldardyń sıpaty men kólemin egjeı-tegjeıli kórsetpegen.

Sonymen birge, AQSH ádilet mınıstrligi Reseıdiń alty GRÝ ofıserine "Reseıdiń strategıalyq paıdasyna" qyzmet etken kıbershabýyldar úshin aıyp taǵylǵanyn jarıalady.

"Bul top 2018 jylǵy qysqy olımpıada oıyndaryn, 2017 jyly Fransıadaǵy prezıdent saılaýy men Ýkraınanyń elektr jelisin buzýǵa tyrysty" dep habarlady AQSH prokýrorlary.

"Eshbir el óziniń kıberlik múmkindikterin Reseı sıaqty zıandy nemese jaýapsyz qarý-jaraqpen qarýlandyrǵan joq" degen AQSH bas prokýrorynyń kómekshisi Djon Demers pres-konferensıada shabýyldardy "bir topqa jatqyzylǵan kompúterlik shabýyldardyń ishindegi eń búldirgish jáne joıqyn serıasy" dep atady