Beısenbide Donald Tramp pen Djo Baıden sońǵy teledebat úshin betpe-bet kelgende, ár kandıdat mıkrofondaryn ajyratady, al ekinshisi suraqtarǵa jaýap beredi.
90 mınýttyq debat alty 15 mınýttyq segmentterge bólingen, ár kandıdatqa ashyq debatqa barar aldynda eki mınýttan úzilissiz eskertýler berýge ýaqyt beriledi.
Prezıdenttik debattar jónindegi partıalyq emes komısıa dúısenbide "kelisilgen erejeni oryndaý úshin, osy eki mınýttyq kezeńderde mıkrofony ashyq bolatyn jalǵyz úmitker erejege sáıkes sóz sóıleıtin kandıdat" dep jarıalady. Eki mıkrofon da ashyq dıskýssıaǵa qosylady.
"Prezıdent Tarmp sońǵy mınýttaǵy erejege ózgertýlerge qaramastan, olardyń (komısıanyń) jaqsy kóretin kandıdatyna artyqshylyq berý maqsatyndaǵy birjaqty ózgerýine qaramastan, Djo Baıdenmen pikirtalasqa bel býady" dedi saılaý naýqanynyń menedjeri Bıll Stepen.
Baıden naýqany túsinikteme suraýǵa birden jaýap bermedi.
Jýrnalısermen suhbattasqan Tramp pikirsaıystyń sharttary ádiletsiz bolǵanyn aıtty "Men qatysamyn, biraq olardyń taqyryptardy ózgertkeni óte ádiletsiz jáne birjaqqa búıregi turatyn moderatordyń bolýy óte ádiletsiz" dedi Tramp.
Ereje ózgerisiniń sebebi, 30 qyrkúıekte ótken debatta prezıdenttikke úmitkerler únemi bir-biriniń sózin bólgen. Tramp óziniń demokratıalyq qarsylasynyń sózin bólýi óte kóp oryn alǵan.
Tramptyń jıi aralasqany sonshalyq, Baıden bir sátte shydamyn joǵaltyp aldy da "Aýzyńdy jabasyń ba, jigit? Bul óte beıresmı" degen.
