Bilim jáne ǵylym mınıstri Asqat Aımaǵambetov mınıstrliktiń apparat jınalysy barysynda joǵary oqý oryndary oqytýshylary jalaqysynyń kóterilýi memleket basshysynyń tapsyrmasynyń negizinde iske asqanyn aıtty.

– Joǵary oqý oryndary oqytýshylarynyń jalaqysyn kóterý máselesin munyń aldynda qarastyrǵan bolatynbyz. Jalaqynyń ósýi óte mańyzdy. Jalaqynyń ósýi rektorlardyń, mınıstrlerdiń nemese mınıstrliktiń jumys nátıjesi emes, biz sony durystap túsindirýimiz kerek. Bul memleket basshysynyń bergen tapsyrmasynyń arqasynda júzege asyp otyr. Biz kóbinese osy aqparatty durys jetkizbeımiz. Sondyqtan durys aqparat berý óte mańyzdy. Kóbinese osy aqparat bizdiń áriptesterimizge jetpeıdi. Taǵy da qaıtalap aıtamyn, jalaqynyń ósýi bul – prezıdenttiń tapsyrmasy. Ol rektordyń nemese mınıstrliktiń arqasynda bolǵan sharýa emes. Osyny durys qabyldap, durys jetkizý kerek, – dedi Asqat Aımaǵambetov.