Bilim jáne ǵylym mınıstri Asqat Aımaǵambetov joǵary oqý oryndary oqytýshylary jalaqysynyń kóterilýi týraly mınıstrliktiń apparat jınalysynda aıtty.

– Joǵary oqý oryndary oqytýshylarynyń jalaqysyn kóterý máselesin munyń aldynda qarastyrǵan bolatynbyz. Jalaqynyń ósýi óte mańyzdy. Jalaqynyń ósýi rektorlar nemese mınıstrlerdiń álde mınıstrliktiń jumys nátıjesi emes. Biz sony durystap túsindirýimiz kerek. Bul memleket basshysynyń bergen tapsyrmasynyń arasynda múmkin bolyp otyr. Biz kóbinese osy máseleni durystap jetkizbeımiz, – dedi Asqat Aımaǵambetov.

Mınıstrdiń aıtýynsha, jalaqynyń ósýi – tikeleı prezıdenttiń tapsyrmasy.

– Sondyqtan durys aqparat berý óte mańyzdy. Kóbinese osy aqparat bizdiń áriptesterimizge jetpeıdi. Taǵy da qaıtalap aıtamyn, jalaqynyń ósýi bul - prezıdenttiń tapsyrmasy. Ol rektordyń álde mınıstrliktiń arqasynda bolǵan sharýa emes. Osyny durys qabyldap, durys jetkizý kerek, - dedi ol.