Qazaqstan Respýblıkasy Konstıtýsıasynyń 44-babynyń 2) tarmaqshasyna, «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsıalyq zańynyń 85-babyna sáıkes QAÝLY ETEMİN:

1. Partıalyq tizimder boıynsha saılanatyn Qazaqstan Respýblıkasy Parlamenti Májilisi depýtattarynyń kezekti saılaýy 2021 jylǵy 10 qańtarǵa taǵaıyndalsyn.

2. Qazaqstan halqy Assambleıasy saılaıtyn Qazaqstan Respýblıkasy Parlamenti Májilisi depýtattarynyń kezekti saılaýy 2021 jylǵy 11 qańtarǵa taǵaıyndalsyn.

3. Qazaqstan Respýblıkasynyń Ortalyq saılaý komısıasy Qazaqstan Respýblıkasy Parlamenti Májilisi depýtattarynyń kezekti saılaýyn daıyndaýdy jáne ótkizýdi uıymdastyrsyn.

4. Qazaqstan Respýblıkasynyń Úkimeti, Nur-Sultan, Almaty, Shymkent qalalarynyń jáne oblystardyń ákimderi Qazaqstan Respýblıkasy Parlamenti Májilisi depýtattarynyń kezekti saılaýyn uıymdastyrýshylyq, materıaldyq-tehnıkalyq jáne qarjylyq qamtamasyz etý boıynsha qajetti sharalardy qabyldasyn.

5. Osy Jarlyq jarıalanǵan kúninen bastap qoldanysqa engiziledi.

Qazaqstan Respýblıkasynyń prezıdenti Q.Toqaev
Nur-Sultan, Aqorda,

2020 jylǵy 21 qazan
№ 439" delingen prezıdent úndeýinde.