Senat tóraǵasy Máýlen Áshimbaev májilis saılaýyn taǵaıyndaý týraly pikir bildirdi. Bul jóninde Facebook-tegi paraqshasynda jazdy.

– Memleket basshysy Qazaqstan Respýblıkasy Parlamenti Májilisi depýtattarynyń kezekti saılaýyn taǵaıyndaý týraly sheshim qabyldady. Saılaý konstıtýsıalyq merzimge sáıkes ótedi. Jalpyulttyq daýys berý kelesi jyldyń 10 qańtarynda júrgiziledi, – deıdi Máýlen Áshimbaev.

Sonymen qatar Senat Tóraǵasy kezekti saılaýdyń kúnin belgileý arqyly osy máselege qatysty ekioıly suraqtarǵa jaýap berilgenin tilge tıek etken. Sondaı-aq, ol bul saılaý demokratıalyq ózgerister turǵysynan bizdiń qoǵamnyń júıeli damýyndaǵy mańyzdy kezeń bolýy kerek dep esepteıdi.

"Prezıdentimiz óz úndeýinde atap ótkendeı, jańa saılaý naýqanyna deıin saıası jańǵyrý, kóppartıalyqty damytý jáne elimizdiń qoǵamdyq-saıası ómirine azamattardyń qatysý aıasyn keńeıtý jóninde sharalar qabyldandy. Bul sharalar parlamenttik opozısıa ınstıtýtyn jáne partıalyq tizimge áıelder men jastar úshin 30 paıyzdyq kvota engizý máselelerine tikeleı qatysty. Parlament buǵan qajetti zańdardy qabyldady. Memleket basshysy aıtqandaı, aldaǵy saılaý tolyǵymen qoldanystaǵy zańnamaǵa sáıkes ótedi" delingen jazbada.