QMDB tóraǵasy, bas múftı – Naýryzbaı qajy Taǵanuly Almaty qalasynyń ımamdarymen kezdesti. Bul týraly QMDB resmı saıty muftyat.kz habarlady. 

Naýryzbaı qajy Almaty qalasyna sapary barysynda qala ımamdarymen kezdesip, birqatar máselelerdi talqylady. Basqosýǵa QMDB Apparat basshysy Ǵylymbek Jádigeruly, QMDB Din isteri jáne taldaý bóliminiń meńgerýshisi Nurbek Esmaǵanbet, Almaty qalasynyń bas ımamy Erkinbek Shoqaı men Ortalyq meshittiń din qyzmetkerleri jáne aýdandardyń bas ımamdary qatysty.

Birinshi kezekte Almaty qalasynyń bas ımamy Erkinbek Shoqaı qaladaǵy dinı ahýal týraly baıandap, pandemıa kezindegi din qyzmetkerleriniń atqarǵan jumysy men qaıyrymdylyq sharalary, sondaı-aq, Dinı basqarmanyń 30 jyldyǵyna oraı josparlanǵan is-sharalardyń qalaı júzege asyp jatqandyǵy jóninde esep berdi.

Al Bas múftı ımamdarǵa din qyzmetkeriniń qazirgi tańdaǵy ımıjine basa mán berý kerektigin erekshe atap ótti. Sonymen qatar ımamdardy jamaǵatpen árdaıym jaqsy qarym-qatynasta bolýǵa úndep, meshitterdegi ýaǵyz-nasıhat jáne jat aǵym erýshilerine túsindirý jumystaryn jandandyrýǵa naqty tapsyrmalar berdi.

Oqı otyryńyz  

♦ Qaırat Joldybaı: Múftı bolý úshin oryndaıtyn sharttar bar, men ol joldy tańdaǵan joqpyn