Nur-Sultan, 30 qazan, Májilis úıi. Májilis Tóraǵasy Nurlan Nyǵmatýlın jýrnalıserge arnalǵan «Parlament sózi» syılyǵynyń jeńimpazdaryna Májilis músinshisi men dıplomdardy tabystady.

Bıyl tórtinshi ret ótkizilip otyrǵan dástúrli parlamenttik syılyqtyń qorytyndysy jaz mezgilinde Buqaralyq aqparat quraldary qyzmetkerleriniń kásibı merekesi qarsańynda shyǵarylǵan bolatyn. Alaıda karantınge baılanysty estelik músinsheler men laýreattardyń dıplomdaryn tapsyrý rásimi kúzgi parlamenttik sesıaǵa aýystyryldy.

Májilis Tóraǵasy «Parlament sózi» syılyǵyn jeńimpazdarǵa tabystap, buqaralyq aqparat quraldarynyń elimizdiń damýyndaǵy, sondaı-aq depýtattyq korpýs pen jýrnalıserdiń birlesken nátıjeli jumysyn atap ótti. Nurlan Nyǵmatýlınniń aıtýynsha, jýrnalıserdiń Májilis jumysyn nasıhattap, depýtattardyń qyzmetin halyqqa jetkizýde  qosqan úlesteri óte zor.

«Parlamenttik jýrnalısıkany damytýǵa qosqan úlesi úshin» atalymy boıynsha «Qazaqstan dauiri» bas dırektory Sáýle Meshitbaeva jáne «Karavan» gazetiniń bas redaktory Igor Shahnovıchke berildi.

«Úzdik televızıalyq sújet úshin» nomınasıasyn «Habar» telearnasynyń tilshisi Indıra Jylqaıdarova men «Eýrazıa» birinshi arnasynyń» tilshisi Svetlana Penkova ıelendi.

Al, «Úzdik baspa jarıalanymy úshin» nomınasıasyn «Egemen Qazaqstan» gazetiniń tilshisi Temir Qusaınov pen «Lıter» gazetiniń ujymy jeńip aldy.

«Úzdik ınternet jáne radıo materıaly» nomınasıasyn «Abai.kz» aqparattyq portaly jáne Serik Sabekov («Kazinform») ıelendi. «Parlament sózi» syılyǵynyń «Arnaıy reportaj» nomınasıasyn «Qazaq radıolarynan» Qymbat Dosjan jáne «Habar 24» telearnasynyń korespondenti Mark Brúshko aldy. 

«Úzdik beıne – sýret materıaly úshin» nomınasıasyn «Nur Media» fototilshisi Sovetbek Maǵzýmov jáne «Habar» telearnasynyń bas operatory Edil Ermekbaev ıelendi.

Sondaı-aq, bıyl áleýmettik jelidegi úzdikter anyqtaldy. Olar «Áleýmettik jelidegi úzdik materıal úshin» nomınasıasyn alǵash ret jýrnalıs-bloger Órken Kenjebek jáne YEDILOV ONLINE Telegram-kanalynyń avtory Erbol Edilov ıelendi.

Sonymen qatar, Májilis Tóraǵasy Nurlan Nyǵmatýlınniń bastamasymen bıylǵy jyly «Parlament sózi» arnaıy syılyǵy» nomınasıasy mezgilsiz dúnıeden ótken halqymyzǵa belgili jýrnalıs, tanymal telejúrgizýshi, ardaqty  azamat, Beısen Quranbektiń qurmetine berilip,  arnaıy  syılyq jaryna tabystaldy.  

Jeńimpazdarǵa Májilis músinsheleri jáne arnaıy dıplomdar tabystaldy.