28-qazan kúni   Aqtóbe óńirine is- saparmen kelgen vıse-premer Eraly Toǵjanov, QR Densaýlyq saqtaý vıse-mınıstri Erlan Qıasov, QR Eńbek jáne áleýmettik qorǵaý vıse-mınıstri Serik Shapkenovke Aqtóbe oblysynyń ákimi Ońdasyn Orazalın  memlekettik baǵdaralamalar aıasynda atqarylǵan jumystardy  jáne  Sovid-19  ınfeksıasynyń órshýi týyndaǵan jaǵdaıda qabyldanǵan sharalardy tanystyrdy. Vıse-premer bastaǵan delegasıa  elimiz boıynsha rentgen apparatyn shyǵarýmen aınalysatyn  jalǵyz kásiporyn  “Aqtóbe rentgen" AQ  da boldy. Munda jylyna 122 sıfrlyq stasıonarlyq jáne mobıldik rentgen apparaty  shyǵarylady. QR naryǵynyń  74%, Eýrazıalyq ekonomıkalyq aımaq elderiniń  25 %, ózge elderdiń  1% qamtamasyz etedi. Kásiporyn qysqa merzim ishinde Aqtóbe, Túrkistan, Almaty, Pavlodar, Jambyl, BQO, Qostanaı oblystarynyń medısına mekemeleri úshin  «Ardıagnost-6» RDK-niń 48 sıfrlyq rentgen apparatyn shyǵarǵan.

Eraly Toǵjanov sondaı-aq, 100 orynǵa arnalǵan provızorlyq  stasıonardy aralady. № 2 oblystyq balalar aýrýhanasy janynan ashylǵan ortalyqqa jasandy aýa beretin 50 apparat jetkizilip, medısınalyq qorǵanysh zattarmen qamtylǵan.  Aqtóbede bir  aýysymda 120 adamdy qabyldaýǵa qaýqarly  konsýltasıa-dıagnostıkalyq ortalyǵy bar, 190 oryndyq perınataldy ortalyq boı kóterýde. 245 jergilikti azamat jumyspen  qamtylǵan medısınalyq mekemeniń qurylysyna  15 mlrd tg qaralǵan. 2021 jyldyń shilde aıynda paıdalanýǵa berilmek. Úkimet delegasıasy nysan qurylysymen tanysty. Premer-Mınıstrdiń orynbasary  dári-dármek óndirýshi  "TK Farm Aqtóbe" JSHS farmasevtıkalyq zaýytynda  boldy. 2013 jyly iske qosylǵan   kásiporynda  20 túrli dári dármek óndiriledi.  Jylyna  6 mln dári, 75 tonna suıyq dári men 12 tonna ekstrakti óndiriledi.  Farmasevtıkalyq zaýyt oblys ákiminiń qoldaýymen  2020 jyldan bastap  medısınalyq betperdeler men antıseptık  shyǵarýdy qolǵa aldy. Aıyna 1,5 mln  bir rettik eki, úsh qabatty betperdeler shyǵarylady.   Budan soń «Aqtóbe medısınalyq ortalyǵynda» bolǵan Eraly Toǵjanov  mekemeniń  dári-dármek qorlary men medısınalyq jabdyqtaryn  qarady.  Munda sanıtarlyq-epıdemıologıalyq  ahýalǵa baılanysty jıyn ótti. Oblys ákiminiń birinshi orynbasary Nurjaýǵan Qalaýov  epıdemıalogıalyq  jaǵdaıdyń turaqtylyǵyn atap ótti. Vıse- premer   jeti aýdannyń bas dárigerlerine  jedel-járdem avtokólikteriniń kiltin tabystady. Jedel-járdem kóligi júrek-ókpe reanımasıasyna qajetti  tynys alý qapshyǵy syndy medısınalyq quraldarmen qamtamasyz etilgen. Oblys ákimi Ońdasyn Orazalın  «Jumyspen qamtýdyń jol kartasy» aıasynda iske asyrylǵan jobalardy tanystyrdy. Memlekettik baǵdarlama boıynsha  bıyl   № 21 mektep-gımnazıasy kúrdeli jóndeýden ótti.  Qala ákimi  «JQJK-2020» baǵdarlamasy aıasynda iske asyrylyp jatqan Aqtóbedegi jol kólik ınfroqurylymynyń damýy  boıynsha aqparat berdi. Qala aýmaǵyndaǵy  jáne qalaǵa qarasty eldimekenderdiń   avtomobıl joldaryn jóndeý jumystaryna  respýblıkalyq búdjetten 13,9 mlrd tg qarajat bólingen. 135,3 km avtomobıl joldarynyń ortasha jáne kúrdeli jóndeýge  11,337 mlrd qaralǵan.  Jalpy uzyndyǵy 5,3 km  bolatyn Arynov,Sáńkibaı batyr, «Máńgilik el» kóshelerin qaıta qalypqa keltirý jumystary júrgizilýde. Ol úshin búdjetten 2,133 mlrd tg bólingen. Bıyl jalpy oblys ortalyǵynda 110 kóshege  kúrdeli jáne orta jóndeý júrgiziletin bolady..  Jumys saparyn qorytyndylaǵan Premer-Mınıstrdiń orynbasary Eraly Toǵjanov vırýstyq indettiń aldyn-alýǵa baılanysty atqarylǵan jumystarǵa oń baǵasyn berip, oblys ákimi Ońdasyn Orazalınge memlekettik baǵdarlama aıasyndaǵy jobalardyń ýaqytyly ári sapaly aıaqtalýyn  qamtamasyz etýdi tapsyrdy.