Jelide Nur-Sultan qalasy dárigeriniń COVID-19 juqtyrǵany úshin dárigerlerge 880 myń teńge mólsherinde aıyppul salynatyny týraly posty jarıalandy. Taýarlar men kórsetilgen qyzmetterdiń sapasy men qaýipsizdigin baqylaý komıteti bul aqparatty joqqa shyǵardy, dep habarlady StopFake saıty. 

Densaýlyq saqtaý mınıstrligi de, Taýarlar men kórsetiletin qyzmetterdiń sapasy men qaýipsizdigin baqylaý komıteti de koronavırýs ınfeksıasyn juqtyrǵan dárigerlerge aıyppul salý týraly qaýly shyǵarǵan joq.

– Bul – jalǵan aqparat. Men osy habarlamany jazǵan dárigerge habarlastym, biz bárin anyqtadyq. Qazir bul másele boıynsha Nur-Sultan qalasynyń qoǵamdyq densaýlyq saqtaý basqarmasy sharalar qabyldaýda. Bizde mundaı zańdar joq jáne bolmaıdy da. Ony naqty aıta alamyn. Biz ár dárigerdi baǵalaımyz. Osy dárigerler bizge pandemıamen kúresýge jáne qazaqstandyqtardyń ómirin saqtap qalýǵa kómektesedi, – dedi komıtettiń resmı ókili Erjan Baıtanaev.