Batys Qazaqstan oblysy densaýlyq saqtaý basqarmasynyń basshysy Bolatbek Kaıýpov eki aıǵa qamaýǵa alyndy, dep habarlady "Moı gorod" saıty.

Oblystyq prokýratýra baspasóz qyzmetiniń habarlaýynsha, "Batys Qazaqstan oblysynyń densaýlyq saqtaý basqarmasynyń basshysy men onyń kómekshisine qatysty eki aı merzimge "kúzetpen ustaý" túrindegi bultartpaý sharasy taǵaıyndalǵan.

Bolatbek Kaıýpovtyń ustalǵany 29 qazanda habarlanǵan edi. Sybaılas jemqorlyqqa qarsy is-qımyl agenttiginiń tergeýshisi Danıar Bıǵaıdarov Kaıýpov seriktesimen birge 2020 jylǵy 12-23 qazan aralyǵynda kompanıa dırektorynan atqarylǵan jumystardyń aktilerine kedergisiz qol qoıý jáne medısına jabdyqtaryn (monıtorlardy) jetkizýge JSHS-men buryn jasalǵan memlekettik satyp alý týraly sharttar boıynsha jalpy somasy 78 mln teńge para alǵanyn málimdegen.