Kotsnews telegram arnasy Taýly Qarabahtaǵy qaqtyǵys kezinde "Armenıa qarýly kúshteri sırıalyq áskerı jaýyngerdi tutqynǵa aldy" delingen vıdeo taratty.

Sputnik Armenian saıtynyń málimetinshe, tutqynǵa alynǵan Iýsýf Alaabeta al-Hadjı Sırıadan kelgen áskerı jaýynger.

Basylymnyń jazýynsha, Túrkıa Sırıanyń soltústiginen Ázerbaıjanǵa Armenıaǵa qarsy qoldaný úshin jendetter jetkizgen. Sputnik Armenian bul derekti armenıalyq baspasóz ǵana emes, halyqaralyq BAQ pen halyqaralyq quqyqqorǵaýshylar, Sırıa, Fransıa, Reseı, AQSH bıliginiń ókilderi de rastap otyrǵanyn jazdy. Fransıa men Reseı Qarabah konflıktindegi áskerı qımyldarǵa Sırıalyq áskerılerdiń jumyldyrylǵanyna alańdaýshylyq bildirgen.
 

Taýly Karabaqtaǵy qaqtyǵys 27 qyrkúıekte bastalǵan bolatyn. Taraptar janjaldyń bastalý sebebin bir-birinen kóredi. Armán jáne ázerbaıjan kúshteri arasyndaǵy urys birneshe frontta júrdi. Urysta drondar, artılerıa, aýyr tehnıka men raketalyq keshender qoldanyldy. Eki jaqtan da beıbit turǵyndar opat bolǵan.

10 qazanda Armenıa men Ázerbaıjan gýmanıtarlyq maqsatta Taýly Karabahtaǵy atysty toqtatýǵa kelisken.