Nur-Sultan qalasynyń ákimi Altaı Kólginov karantındi jeńildetýge baılanysty pikir bildirdi.

Ákim COVID-19 indetin juqtyrý jaǵdaı̆larynyń kóbeıýine baı̆lanysty qala "sary" aı̆maqqa ótkenin atap ótti.

"Bul qazirgi kezeńde karantındi jeńildetý qajet emes ekenin bildiredi. 11 qarashada 47 jaǵdaı̆ tirkeldi. Shaǵyn jáne orta bıznes nysandary kezek-kezekpen jabylmaýy, qala aýmaǵy boı̆ynsha blok-beketter ornatylmaýy jáne qalanyń jabylmaýy úshin ár turǵyn jaǵdaı̆dyń qanshalyqty aýyr ekenin túsinýi kerek. Jedel shtab otyrysynda negizgi máseleler qaraldy" delingen ákimniń Instagram-daǵy jazbasynda.

Kólginov COVID-19 indetin juqtyrý jaǵdaıyna qatysty negizgi máselelerge toqtaldy.

– Birinshi. Polısıa qyzmetkerleri men sanıtarlyq dárigerler reı̆dterdi kúsheı̆týge jáne karantındi buzý faktilerin anyqtaýǵa kóshti. Bul sanıtarıa erejelerin saqtamaı̆, búkil qalanyń ómirine qaýip tóndiretin nemquraı̆ly kásipkerler úshin sıgnal bolýy shart.

Túnde oı̆yn-saýyq mekemelerinde júrgen ereje buzǵan azamattar ásirese egde jastaǵy turǵyndardyń densaýlyǵyna qanshalyqty keri áserin tıgizip jatqandaryn áli túsinbeı̆ keledi.

Ekinshi. Medısınalyq mekemeler qosymsha jabdyqtarmen, qorǵanys quraldarymen, dári-dármektermen jáne t.b. jabdyqtalǵan. Materıaldyq-tehnıkalyq baza daı̆yn, biraq bir mezette jaǵdaı̆ ýshyǵyp ketse, dárigerler barlyq naýqastarǵa jetpeı̆di.

Úshinshi. PTR-zertteýmen kóbirek qamtý úshin kópbeı̆indi qalalyq aýrýhanalardyń qabyldaý bólmelerinde jáne stasıonarlardyń akýsherlik bloktarynda ızotermıalyq shaǵyn-zerthanalar ashyldy. Bul shuǵyl túrde túsken pasıentter arasynda koronavırýstyq ınfeksıa tasymaldaýshylaryn anyqtaýǵa jáne ýaqtyly em kórsetýge múmkindik beredi.

Tórtinshi. KVI-ǵa bıomaterıal alý zerthanalarynyń sany 15-ke deı̆in artty. Zerthanalardyń jalpy qýattylyǵy táýligine 10 myńnan astam zertteýdi quraı̆dy.

Besinshi. Barlyq qalalyqtarǵa qyzmet kórsetetin avtobýs parkteri, shahardy sanıtarly tazalaýmen jáne abattandyrýmen aı̆nalysatyn komýnaldyq kásiporyndar, sondaı̆-aq qalanyń tynys-tirshiligin qamtamasyz etetin mańyzdy nysandar (JEO, Astana sý arnasy, Astana-AEK jáne t.b.) erekshe baqylaýǵa alyndy. Qyzmetkerlerdi jıi tekserip otyramyz.

Testileý arqyly qamtýdy keńeı̆te otyryp, biz COVID-19 taralýynyń naqty kórinisin kóremiz jáne oshaqtardy tez arada oqshaýlaı̆ alamyz. Shetelden indet juqtyryp, elge oralǵandardyń sany artyp keledi. Múmkindiginshe saparlar sanyn qysqartýǵa, jappaı is-sharalardy ótkizbeýge jáne qatyspaýǵa, sanıtarıa normalaryn qatań saqtaýǵa keńes beremiz, – dep jazdy ol.