Armenıa premer-mınıstri Nıkol Pashınán halqyna úndeý jasap, Qarabah boıynsha qujatqa qol qoıý sebebin túsindirdi. Onyń aıtýynsha, Armenıa men onyń halqy óte qıyn kúnderdi bastan keshýde. Sonymen qatar ol Qarabaq boıynsha qol qoıylǵan qujattar qoǵam ishinde narazylyq týdyrǵanyn moıyndady, dep habarlady Sputnik Armenıa saıty.

– 27 qyrkúıekte soǵys bastaldy, onyń sońy qujatqa qol qoıýmen aıaqtaldy. Bul kópshiliktiń kóńilin qaldyrdy jáne barlyq suraqtyń jaýabyn menen kútip otyr. Qujatqa nege qol qoıyldy? Bul bas shtab "ár mınýt óte mańyzdy, áreketterdi toqtata turý kerek" dep aıtqannan keıin qabyldanǵan sheshim, – dedi premer-mınıstr.

Premer-mınıstr áskerı qyzmetkerlerdiń ómiri óz mánsabynan bıik turatynyn atap ótti.

– Mansabym men ómirimniń ornyna 25 myń sarbazdyń ómirin tańdadym, – dedi ol.

10 qarashaǵa qaraǵan túni Armenıa premer-mınıstri Reseı jáne Ázirbaıjan prezıdentterimen Taýly Qarabaqtaǵy soǵys qımyldaryn toqtatý týraly kelisimge qol qoıǵan bolatyn.