Soltústik Koreıa ortalyq jańalyqtar agenttigi Djo Baıdendi "aıaýsyz jazalaýǵa laıyq" dep habarlady. The Time-ǵa suhbat bergen sarapshylardyń pikirinshe, Phenán ıadrolyq zymyran synaqtaryn Baıdenniń ulyqtaý rásimi sátinde bastaýy múmkin.

Phenánnyń resmı ortalyq jańalyqtar agenttigi (KCNA) Baıdendi Soltústik joǵarǵy basshylyǵynyń "qadir-qasıetin lastady" dep habarlady. Soltústik Koreıa Baıdendi "qutyrǵan ıt" dep atap, ony "taıaqpen óltirý kerektigin" málimdegen. 

Memlekettik aqparat agenttigi Baıdenniń áreketteri "aıaýsyz jazalaýǵa" laıyq dep qosty.

Sarapshylar AQSH jańa prezıdenttiń ınaýgýrasıasy kezinde Soltústik Koreıa batyl qadammen ıadrolyq synaqtar ótkizýi múmkin ekenin eskertti.

Halyqaralyq qatynastar keńesiniń múshesi Evans Rıverdiń Time.com saıtyna bergen suhbatynda "Phenán ınaýgýrasıaǵa deıin nemese odan kóp uzamaı ıadrolyq nemese alys qashyqtyqtaǵy zymyran synaǵyn ótkizýi múmkin" dedi.