Densaýlyq saqtaý mınıstrligi koronavırýs ınfeksıasynan 8 247 adam em qabyldap jatqanyn habarlady.

"Olardyń arasynda 437 bala bar. Stasıonarda 2 924 naýqas jatyr. 5 323 adam ambýlatorıalyq jaǵdaıda emdelýde. 192 adamnyń jaǵdaıy nashar. Sonyń ishinde 20 naýqastyń ahýaly asa aýyr dep baǵalandy. 27 naýqas ókpeni jasandy jeldetý apparatynda jatyr.

QR Densaýlyq saqtaý mınıstrligi budan bylaı táýliktik nátıjeler týraly aqparatty úzbeı jarıalap otyrady. Barlyq málimet resmı saıtta jáne vedomstvonyń áleýmettik jelilerdegi paraqshalary arqyly taratylady. Atap aıtqanda, naýqastardyń jalpy sany jóninde, qaıtys bolý derekteri týraly jáne de qoǵam úshin mańyzdy ahýaldyń barlyǵy resmı aqparat taratý kózderinde jedel jarıalanyp turady" delingen aqparattyq habarlamada.