Taýly Qarabaqtaǵy qaqtyǵystan keıin 150 armán áskeriniń denesi Shýsha qalasy mańyndaǵy aýmaqtan shyǵaryldy. Bul týraly moıyndalmaǵan Taýly Qarabaq respýblıkasynyń prezıdenti Araık Arýtúnán facebook-te habarlady.

"Biz otanymyzdyń bir bóligin jáne myńdaǵan adamnyń ómirin saqtap qalsaq ta, adam jáne aýmaq jaǵynan úlken shyǵynǵa ushyradyq, ony Shýshadan alynǵan 150 armán áskeriniń denesi taǵy bir ret dáleldedi" delingen jazbada.

Arýtúnánnyń aıtýynsha, taǵy júzdegen máıit urys alańynda qalǵan, olardy anyqtaý qaıtys bolǵandardyń týystaryna qıynǵa soǵyp otyr.

"Bul kúnderi men ózim qaıtys bolǵan jáne habar-osharsyz ketken adamdardyń týystaryna kóp ýaqyt bólemin, olardyń qaıǵy-qasiretine ortaqstasamyn" dep jazdy Arýtúnán.

Sondaı-aq ol ózin Armenıadaǵy ishki turaqtylyq qaýpi mazalaıtynyn atap ótti.