"Aýyl" halyqtyq demokratıalyq patrıottar partıasy tóraǵasynyń birinshi orynbasary Tóleýtaı Raqymbekov óz jaqtastarynyń jer máselesine qatysty ustanymyn jarıa etti.

«Bizdiń bul másele boıynsha kózqarasymyz turaqty. Ony aıtyp ta júrmiz. qazaqstannyń jeri sheteldikterge jáne azamattyǵy joq tulǵalarǵa satylmaýy jáne jalǵa berilmeýi kerek! Osy «El amanaty» saýalnamasy bastalǵan kezde Ortalyq komýnıkasıalyq qyzmetine kelip, aıtqanym bar edi: Jerdiń ózi bizge ata-babamyzdan amanat retinde qalǵan. Jerdi Anaǵa teńep jatamyz. Al sol jerdi satqan - Anany saýdalanǵanmen birdeı. Sondyqtan jerdi satýǵa, jalǵa berýge qarsymyz», - dedi Tóleýtaı Raqymbekov OKQ-da ótken baspasóz máslıhatynda.

«Aýyl» HDPP tóraǵasynyń birinshi orynbasary «jer satylmasyn» degen bap zańdy aktilerge engizilýi kerektigin málim etti.