Jumys izdep júrgen adam bos jumys oryndaryn elektrondy aqparattyq júıe arqyly tabady. Bul týraly úkimet otyrysynda eńbek jáne halyqty áleýmettik qorǵaý mınıstri Birjan Nurymbetov aıtty.

– Jumyspen qamtý salasynda elektrondy eńbek bırjasynyń múmkindikterin keńinen paıdalaný kózdeledi. Búgingi tańda jumys izdep júrgen adam jumyspen qamtý ortalyǵyna baryp, kezekke turyp, tıisti jumys tańdaý úshin ortalyq qyzmetkerimen baılanys jasaýǵa májbúr. Endigi kezde barlyq jumyspen qamtý sharalary, quraldary, bos jumys oryndary elektrondy eńbek bırjasynda qalyptasady. Portal jumys izdep júrgen adamǵa daǵdylaryna sáıkes avtomatty túrde bos jumys oryndaryn, "Eńbek" baǵdarlamasy quraldaryn usynatyn bolady. Sheshimdi aqparattyq júıe qabyldaıdy, – dedi mınıstr.

Mınıstr jumys tabylmaǵan jaǵdaıda aqparattyq júıeniń atqaratyn qyzmetin de atap aıtty.

– Jumys tabylmaǵan jaǵdaıda aqparattyq júıe avtomatty túrde adamdy jumyssyz retinde tirkeıdi. Oǵan jumyssyzdyqqa baılanysty tıisti áleýmettik tólemdi proaktıvti túrde eseptep, taǵaıyndaıdy. Osylaısha birneshe qyzmetti biriktirip, bıznes prosesin jeńildetip jatyrmyz. Biz sıfrlyq jumyspen qamtý ortalyqtaryna kóshý jolyndamyz, – dedi Nurymbetov.