Nur-Sultan qalasy jáne Qostanaı, Aqtóbe, Pavlodar, Qaraǵandy oblystarynda karantın sharalary kúsheıtildi. Bul týraly oblystardyń bas sanıtar dárigerleri málimdedi.

Nur-Sultan qalasynyń bas sanıtar dárigeri J.Pralıeva karantındi kúsheıtýge qatysty qaýly shyǵardy.

Atalǵan qaýlyǵa sáıkes:

• 1-5-synyp jáne 1-7-synyptan bastap halyqaralyq mektepterden basqa, synypta 15 balaǵa deıin bilim berý obektileriniń jumysyn onlaın-oqytý rejıminde uıymdastyrý;
• offlaın-rejımde oqıtyn oqýshylar arasynda koronavırýstyq ınfeksıa aýrýynyń bir jaǵdaıyn tirkeý kezinde ata-analardyń ótinishi boıynsha barlyq synyptardy onlaın-oqytýǵa kóshirýge qatań túrde jol beriledi;
• qabyldanatyn sharalar týraly buqaralyq aqparat quraldarynda, áleýmettik jelilerde jáne messendjerlerde túsindirý.

Qaýlynyń tolyq nusqasy myna jerde.

Qostanaı ​​oblysynyń bas sanıtar dárigeri V. Nechıtaılo karantın talaptaryna birqatar ózgerister engizdi.

Bas sanıtar dáriger jumys kúnderi saǵat 06:00-den 21:00-ge deıin oblys aýmaǵynda qoǵamdyq kóliktiń júrýin jáne demalys kúnderi qoǵamdyq kólik jumysynyń toqtatylýyn usyndy.

Qaýlyǵa sáıkes:

• jabyq sport nysandarynyń jumysyna tyıym salý;
• qoǵamdyq tamaqtaný oryndarynda bir ústel basynda 4 adamnan artyq bolmaýǵa ruqsat etiledi. Alyp ketý jáne jetkizý jumystary 22:00-ge deıin shektelgen;
• qala syrtyndaǵy jol boıyndaǵy servıs qoǵamdyq tamaqtandyrý pýnktterine ýaqyt boıynsha ózimen alyp ketýge jáne jetkizýge ǵana jumys isteýge ruqsat etilgen;
• baseınderdiń, onyń ishinde monshalar men saýnalardyń jumysyna tyıym salynady;
• saýnalar men monshalardyń jumysy 9:00-den 19:00-ge deıin shektelgen;
• sanatorııler men demalys bazalarynyń jumysy toqtatyldy;
• demalys jáne mereke kúnderi avto jáne aýyl sharýashylyǵy tehnıkalaryna arnalǵan qosalqy bólshekterdi satatyn dúkenderdiń jumysyna tyıym salynady;
• medısınalyq-áleýmettik salanyń jumysy karantın rejımine aýystyrylady;
• balalar seksıalarynyń, úıirmeler men fakúltatıvterdiń jumysyna tyıym salynady;
• profılaktıkalyq egýlerden basqa, josparly skrınıngter kórsetý toqtatylady.

Qaýlynyń tolyq nusqasymen tanysyńyz.

Sondaı-aq Aqtóbe oblysynyń bas sanıtar dárigeri N. A. Berkimbaevanyń karantındi kúsheıtýge qatysty qaýlysynda atalǵan nysanalarǵa tyıym salynady:

• konferensıalar, kórmeler, forýmdar, oıyn-saýyq, sporttyq, sondaı-aq adamdar kóp jınalatyn otbasylyq, saltanatty, estelik jáne basqa da is-sharalardy, onyń ishinde úıde, mıtıńter, sherýler, jıyndar jáne t.b.ótkizýge; 
• kezekshi toptardy qospaǵanda, mektepke deıingi balalar mekemeleriniń qyzmetine;
• qala saıabaqtarynda, jaǵalaýlarynda, skverlerinde balalar men eresekterge arnalǵan qozǵalys quraldaryn (elektromobılder, pedaldy avtomobıl, samokattar, kartıńter, peıntbol, avtodromdar, gıroskýterlerdiń barlyq túrleri jáne t.b.) jalǵa alýǵa:
• bastaýysh, orta jáne negizgi orta deńgeıdegi bilim berý uıymdaryndaǵy asqana jumysyna;
• demalys jáne mereke kúnderi: saýda-oıyn-saýyq ortalyqtarynyń, alańy 2000 jáne odan da kóp sh. m. saýda obektileriniń jumysyn toqtata turý, ondaǵy azyq-túlik sýpermarketteri men dárihanalardy qospaǵanda;
• azyq-túlik emes jáne azyq-túlik satatyn jabyq bazarlardyń jumysyn toqtata turý;
• aıyrbastaý pýnktteri, lombarttardyń qyzmetine jumys kestesin belgileı otyryp saǵat 10.00 – 20.00 deıin jumys jasaý.

Qaýlynyń tolyq nusqasy myna siltemede.

Pavlodar oblysynyń bas sanıtar dárigeri B. Álıev 13-shi qarashada karantındik sharalar týraly qaýlysyna ózgerister men tolyqtyrýlar engizdi.

Atalǵan qaýlyǵa sáıkes azyq-túlik dúkenderiniń qyzmeti 08:00-den 22:00-ge deıin jumys jasaı alady.

Qaýlynyń tolyq mátini myna siltemede.

Al Qaraǵandy ​​oblysynyń memlekettik bas sanıtar dárigeri Iýrıı Zalygın karantın talaptaryna ózgerister engizdi.

Jańa qaýly boıynsha qalada sanıtarıalyq sharalardy kúsheıte otyryp, obektilerdiń jumysy 09:00-den 22:00-ge deıin shekteledi. 

Sondaı-aq atalǵan nysandardyń jumysyna tyıym salynady: 

• oıyn-saýyq mekemeler (karaoke, bılárd, kompúterlik klýbtar, jabyq úı-jaılardaǵy balalar oıyn alańdary t.b.);
• fýdkort, banket zaldaryna;
• qalalyq jáne qoǵamdyq jaǵajaılar;
• shashtaraz, sulýlyq salondary karantındik sharalardy saqtaı otyryp, klıentterdiń aldyn-ala jazylýy boıynsha qabyldaıdy.

Qaýlynyń tolyq nusqasy.