Shymkent qalasy ákiminiń orynbasary qyzmetine Erǵalı Bilisbekov taǵaıyndaldy. Bul týraly Shymkent qalasy ákiminiń baspasóz qyzmeti habarlady.
Erǵalı Dáýletbekuly 1961 jyly týǵan, bilimi joǵary, mamandyǵy boıynsha mádenı-aǵartý jumysynyń jetekshisi, ekonomıs, qurylys mamany.
Eńbek jolyn 1978 jyly Shymkent qalasyndaǵy «Kazgalantereıtorg» bazasynda jumysshy bolyp bastaǵan.
1983-1984 jyldary – Shymkent qalasyndaǵy OKTÝ-38 oqý ornynda pedagog-tárbıeshi.
1984-1988 jyldary – Shymkent qalalyq pedagogıkalyq mádenıet ınstıtýtynyń komsomol komıtetiniń hatshysy.
1988-1990 jyldary – Shymkent qalalyq pedagogıkalyq mádenıet ınstıtýtynyń kafedra meńgerýshisiniń orynbasary – aǵa laborant.
1990-2008 jyldar aralyǵynda Shymkent qalasyndaǵy birqatar kásiporyndarda basshylyq etken.
2008-2011 jyldary – Shymkent qalasy ákiminiń orynbasary.
2011-2012 jyldary – Astana qalasynda QR Premer-Mınıstri Keńsesiniń uıymdastyrý-jumystary jáne aýmaqtyq damý bóliminiń bas ınspektory.
2012-2014 jyldary – Astana qalasynda QR Premer-Mınıstri Keńsesiniń aımaqtyq damý bóliminiń bas ınspektory.
2014-2017 jyldary – QR tutynýshylardyń quqyqtaryn qorǵaý agenttiginiń Ońtústik Qazaqstan oblystyq tutynýshylardyń quqyqtaryn qorǵaý departamentiniń basshysy.
2017-2018 jyldary – Ońtústik Qazaqstan oblysynyń memlekettik satyp alý basqarmasynyń basshysy.
2018 jyldan osy ýaqytqa deıin Túrkistan oblysynyń memlekettik satyp alý basqarmasynyń basshysy qyzmetin atqaryp kelgen.
Qala ákimi Murat Áıtenov eks-orynbasary Baýyrjan Mamytalıevke osy kúnge deıin atqarǵan qyzmetine alǵys aıtyp, sáttilik tiledi.
