Belgili jýrnalıs, "QAZAQSTAN" Ulttyq telearnasynyń bas prodúseri Maqsat Tolyqbaı birinshi jeltoqsannan bastap efırden ketetinin málimdedi. Bul týraly ol óziniń áleýmettik jelidegi paraqshasynda jazdy.
"Áriptesim, jýrnalıs Dına Elgezek "Maqsat Tolyqbaıdyń saıası naýqannyń aldynda nege saıası belsendiligi arta túsedi?" dep jazypty. Byltyrǵy saılaýdy meńzegen bolar. Rınat Zaıtovty bosatýyn talap etip, eki saǵatta úsh myń adam jınalǵan edik. Osy joly jarq etip bireý shyqsa qoldaýǵa daıyn edim. Kúttim...
Ashyǵyn aıtaıyq, jańa partıa tirketýge múmkindik joq. Majorıtarly emes, proporsıonaldy júıe bolǵandyqtan, jeke okrýgten de túse almaısyń. Qazirgi júıede baıkot jarıalaý da iske aspaıdy.
Birneshe partıadan usynys tústi. Uzaq oılandym. Qysqasy, aldaǵy saılaýda "ADAL" partıasynyń atynan kandıdat retinde qatyspaqpyn. Nege? Óıtkeni "ADALDAǴY" jastardyń úlesi 60 paıyz bolǵan soń. Qazir qoǵam naqty qadamdar kútedi. Parlament zań shyǵarýshy organ ǵana emes, onda qoǵamnyń eń ózekti máseleleri túgel aıtylýy kerek. Baǵymdy synap kóreıin. Eshteńe istemegen adam ǵana qatelespeıdi. Nar táýekel! Azamattyq qoǵamnyń damýyna tıtteı de bolsa úles qossam deımin.
Jaqynda ǵana "Bas prodúser" qyzmetin senip tapsyrǵan "QAZAQSTAN" Ulttyq arnasynyń basshylyǵyna raqmet! Onyń syrtynda aptasyna bes kún boıy júrgizetin "Ashyq alańym" bar" dep jazdy jýrnalıs.
Pikir qaldyrý