20 qarasha kúni Sara Nazarbaevanyń qatysýymen "Ózin-ózi taný: bala aldyndaǵy mısıa" halyqaralyq forýmy ótti. 

Konferensıa pandemıaǵa baılanysty vıdeobaılanys túrinde ótken. 

– Adamnyń qundylyǵy nede? "Zıanyńdy tıgizbe". Aldama. Ar-uıatyńa qarsy júrme. Adamgershilik. Adam bol. Adam bolyńyzdar. Sizder adam bolýǵa mindettisizder. Biz bolmashy nárseniń sońynan qýyp ketemiz. Sen ózińniń kim ekenińdi, neni qalaıtynyńdy bilmeı turyp, ol nárseni ustaı almaısyń. Namysty bolyp ómir súrý kerek. Bir-birińdi syılap, qurmetteý kerek. Aqylmen, eńbekpen jumys isteý kerek. Eshteńe satyp alýdyń ne satýdyń keregi joq. Bul qabyl bolmaıdy, durys bolmaıdy. Kerisinshe, adamdarǵa ýaıym ákeledi. Bolmaıdy, – dedi Sara Nazarbaeva.

Onyń aıtýynsha, tárbıeshiler men muǵalimder balaǵa tek klasıkalyq bilim berip qana qoımaı, rýhanı bilimdi de qatar berýi kerek.

– Men sizge shyn júrekten aıtamyn. Maǵan bári býmerań bolyp ashylǵanyn kórdim. Qazir barlyǵynyń júregi ashyq. Biz energıa almasamyz, siz maǵan, men sizge. Bul kezde eshqaısyńyzdyń basyńyzda jaǵymsyz oılar bolmaıdy. Biz qazir bir-birimizge qurmet, bilim, súıispenshilik kórsetýdemiz. Sizder – muǵalimsizder, sizderde óte mol jaýapkershilik bar! Sizder bir-birińizdi dáleldep, biriktirip, kómektesýlerińiz kerek. Bizdiń maqsatymyz – balany durys tárbıeleý. Bala balabaqshaǵa kelgende, tárbıeshi kishkentaı perishteni qamqorlyqpen jáne súıispenshilikpen baýraıdy. Mektepke barǵanda, muǵalimder qarsy alady. Joǵary oqý ornyna barǵanda, siz oǵan adamı qundylyqtardy úıretýińiz kerek. Ózińizdi ózgertýdi bastańyz, qatelikterińizben jumys jasańyz. Siz jaqsylyq jasaýyńyz kerek. Jaqsylyqty úıretip, ony basqalarǵa berýińiz kerek. Ózimiz úshin, ózimizdiń janymyz úshin. Men muǵalimdikten, qarapaıymnan bastadym. Siz bilim beresiz, eń bastysy – rýhanı bilim berýińiz kerek. Klasıkalyq bilim men rýhanı bilim bólek emes, bir baǵytta birge júrýi kerek,  – dedi ol.

Forým barysynda Sara Alpysqyzy "Aınalaıyn" ánin aspaptyń súıemeldeýinsiz shyrqady. 

– Allanyń bárińizge nury jaýsyn! Alla bárimizge jar bolsyn! Alla bárimizge pana bolsyn! Áýmın! – dep tilek tilep forýmdy aıaqtady Sara Alpysqyzy.