2020 jylǵy 23 qarashada Anglıanyń Joǵary soty Qazaqstan Respýblıkasyna qarsy «World Wide Minerals» kanadalyq kompanıanyń jáne Pol A. Kerolldyń talaby boıynsha shyǵarylǵan tórelik sheshimniń (sonyń ishinde zalal, paıyzdar jáne soma boıynsha) kúshin joıdy, dep habarlaıdy Qamshy.kz aqparat agenttigi QR Ádilet mınıstrliginiń baspasóz qyzmetine silteme jasap. 

2019 jyldyń 29 qazanynda sot aryzda kórsetilgen somadan (1,9 mlrd AQSH dollary) 1%-dan kem mólsherde talapkerlerge ótemaqy tóleý týraly sheshim shyǵardy.

Qazaqstan Respýblıkasy 2019 jyldyń qarasha aıynda 1996 jylǵy Tórelik Zańnyń 68-babynyń tártibimen  Anglıanyń Joǵary sotyna ótinish berdi.

Anglıanyń Joǵary soty 2020 jylǵy 23 qarashada qazaqstandyq taraptyń dálelderimen kelise otyryp, talapkerlerge uıǵarylǵan talap somasy men shyǵyndarǵa qatysty sheshimniń kúshin joıyp, ony qaıta qaraýǵa jiberdi.

Sot «World Wide Minerals Ltd» jáne P. Karroldan QR-nyń paıdasyna 350 000 AQSH dollary kóleminde sot shyǵyndaryn óndirip alý týraly sheshim shyǵardy. Anglıanyń Joǵary soty 1996 jylǵy tórelik Zańynyń 68-babynyń tártibinde shaǵymdaný prosesine baılanysty Qazaqstan Respýblıkasyna beriletin ózge de shyǵyndardyń somasyn qosymsha baǵalaıdy.

Osy daýda Qazaqstan Respýblıkasynyń múddelerin Ádilet mınıstrligi, «Reed Smith LLP» halyqaralyq  zań fırmasy, «Essex Court Chambers» advokattyq palatadan Djo Smoýa koróldik advokaty, London q. «3 Verulam Buildings» advokattyq palatynyń músheleri Krıstofer Harıs koróldik advokaty jáne Pol Vı advokatymen birlesip jumys istedi.

«Essex Court Chambers» jáne «3 Verulam Buildings» ókilderi birqatar tórelik talaptar boıynsha Qazaqstan Respýblıkasynyń múddelerin sátti qorǵanyn atap ótý qajet.