"Habar" telearnasynda Qazaqstannyń tuńǵysh prezıdenti Nursultan Nazarbaevtyń baspasóz qyzmeti men elbasy qorynyń qoldaýymen jasalǵan "Portretke shtrıhtar" derekti fılmi jaryq kóredi. Bul týraly elbasynyń baspasóz qyzmeti habarlady.

– 1 jeltoqsan kúni saǵat 21:40-ta "Habar" telearnasynyń efırinde jýrnalıs Aıgúl Ádilovanyń elbasy baspasóz qyzmeti men Nursultan Nazarbaev qorynyń qoldaýymen "Portretke shtrıhtar" derekti fılminiń birinshi serıasynyń premerasy ótedi, – dep jazdy Nazarbaevtyń baspasóz hatshysy Aıdos Úkibaı Twitter paraqshasynda. 

Baspasóz qyzmetiniń málimetinshe, fılm Nursultan Nazarbaevtyń ómiri men qyzmeti jaıly, onyń kópshilik bile bermeıtin qyryn ashyp kórsetedi.

– Qudaı mundaı aýrýdy eshkimniń basyna salmasyn. Bul aýrý eshqashan ketpeıdi. Aýyrǵannan keıin men sonda arnaıy bardym. Ómirimde bári de basqasha bolýy múmkin edi, – deıdi Nazarbaev fılm úzindisinde.

Fılm eksklúzıv suhbat túrinde jasalǵan.