– 27 qarashadaǵy jaǵdaı boıynsha respýblıkamyz ortasha qaýipti aımaqta tur. Qaýipti 5 óńirge qatań shekteý sharalary engizilgen. Olar: Shyǵys Qazaqstan oblysy, Soltústik Qazaqstan oblysy, Pavlodar oblysy, Qostanaı oblysy jáne Aqmola oblysy. Almaty qalasynda da aýrýshańdyq ósýde. Qalǵan óńirler jasyl aımaqta turaqty, biraq juqpaly KVI aýrýlary tirkelýde, – deıdi ol.

Vıse-mınıstr respýblıkada qazanmen salystyrǵanda qarasha aıynda KVI-ge shaldyqqandar 3,7 esege óskenin atap aıtty.

– Elimizde barlyq jaǵdaıdyń 70%-y qyzyl aımaqta turǵan 5 óńirge tıesili.  Óńirlerdegi epıdemıologıalyq jaǵdaıdy eskere otyryp, búginde aımaq ákimderi qoǵamdyq tamaqtaný oryndaryna kelýshilerdiń sanyn shekteý, kásipkerlik jáne ózge de qyzmet obektileriniń jumys kestesin qysqartýǵa, demalys kúnderi qoǵamdyq oryndarǵa jáne kólik qozǵalysyn toqtatý syndy qatań sharalar qabyldady, – dep atap aıtty Ajar Ǵınıat.

 

Oqı otyryńyz: Jańa qaýly. Qazaqstannyń 4 oblysynda karantın kúsheıtiledi