Jeltoqsan-qańtar aılarynda karantın sharalary qatańdatylady. Bul týraly densaýlyq saqtaý mınıstri Alekseı Soı habarlady.

– Apta saıyn derekterdi taldaý jáne bolashaq jaǵdaılardy boljaý júrgiziledi. Qazirgi ýaqytta ózgerip kele jatqan senarı boıynsha jeltoqsan-qańtar aılarynda karantın sharalaryn kúsheıtý keregin kórip otyrmyz. Barlyǵy da qazir jaǵdaıdy qanshalyqty basqaratynymyzǵa baılanysty bolady, – dedi ol.

Mınıstr jaǵdaı baqylaýda ekenin, alańdaýdyń qajeti joǵyn atap aıtty.

– Jaǵdaıdy baqylap otyramyz jáne biz apta saıyn boljamdardy jańartyp otyramyz. Biraq koronavırýs ınfeksıasyn juqtyrǵandardyń kóbeıip jatqanyn da kórip otyrmyz. Ol bola beredi. Eń bastysy, biz jaǵdaıdy baqylaı alyp otyrmyz. Sizder qazir aýrýhanalar men juqpaly aýrýlar aýrýhanalarynyń 22 paıyzy ǵana tolyqtyrylǵanyn bilesizder. Reanımasıa tóseginiń 17 paıyzy bos emes. Bizde qosalqy quram bar. Qazir jaǵdaı baqylaýda tur. Alańdaýdyń qajeti joq. Barlyǵyn baqylap otyrmyz, – dedi Soı.