Qandaı memlekettiń bolashaǵyna senýge bolady?Azamattary óz quqyǵynyń taptalmaıtynyna, taptala qalsa, zańǵa júgine alatyn memlekettiń bolashaǵy jarqyn. Al bizde qalaı? Bizde zańnyń bel omyrtqasyn kerzi etikpen tepkilep, ádildikti qan qaqsatyp kete berýge bolady. Jemqorlyq joıylmaı, azamattardyń quqy tolyqqandy qorǵalatynyna siz nanasyz ba? Biraq sonda da men balalarymdy bizdiń eldiń bolashaǵyna senýge tárbıelep kele jatyrmyn. Ádileti azdaý eldiń urpaǵyn «ádiletti bol»  dep tárbıeleý sál qıyndaý. Biraq bul bizdiń Otanymyz ǵoı. Al Otannyń bolashaǵyna kúmánmen qaraýǵa bolmaıdy. Bılik aýysady. Al Otan ornynda qala beredi. Jemqory kóp, zańdary solqyldaq bolsa da  men Otanymnyń bolashaǵyna senemin.

Aınur Tóleý