Qazaqstannyń eks-prezıdenti Nursultan Nazarbaev Nur-Sultan qalasynda salynyp jatqan "Abý-Dabı Plaza" kópfýnksıonaldy kesheniniń eń bıik munarasyn "Qazaqstan" dep ataıtynyn málimdedi. Bul týraly Elbasy Qazaqstan telearnasynda búgin saǵat 20.00-de kórsetiletin "Túrkistan: kóne men keleshek kópiri" fılminde aıtty.
– Buıyrtsa "Abý-Dabı Plaza" munarasyn "Qazaqstan" munarasy dep ataımyn. Mundaı bıik ǵımarat joq. Alystan ǵımaratty kórip, "mynaý ne?" degende bul "Qazaqstan" munarasy dep aıtyp júretin bolady, – dedi Nursultan Nazarbaev.
Eske sala keteıik, qazan aıynda Nur-sultan ákimdigi "Ábý-Dabı Plaza" kópfýnksıonaldy kesheniniń qurylysy 2021 jyly aıaqtalady dep málimdegen bolatyn.
"Abý-Dabı Plazanyń" jartylaı ashylýy 2019 jyldyń 2 jeltoqsanynda ótti. Saýda ortalyǵynyń qurylysy 2010 jyldyń qarasha aıynda bastaldy. Nysannyń qurylysy 1,6 mıllıard dollarǵa baǵalanady. Keshen Aqmeshit, Syǵanaq jáne Túrkistan kósheleriniń aýdanynda ornalasqan. Jer ýchaskesiniń aýdany 4,4613 gektardy quraıdy.
