Fransıany EQYU-nyń Mınsk tobynan shyǵarý ońaı bolmaıdy. Óıtkeni bul top BUU qoıǵan tapsyrmany oryndaıdy. Bul týraly Reseı saıasattanýshysy, "Eýrazıalyq ıdeıalar sheberhanasy" qorynyń sarapshylar keńesiniń tóraǵasy Grıgorıı Trofımchýk aze.az saıtyna bergen suhbatynda habarlady.

Basylymnyń deregine súıensek, EQYU-nyń Mınsk toby 27 jyldyq qyzmette armándar men ázerbaıjandar arasyndaǵy Taýly Qarabaq qaqtyǵysyn sheshý úshin birde-bir mańyzdy qadam jasaı almaǵan. Ázerbaıjan qorqa kútken jaǵdaı bolǵan. Fransıa úkimeti, onyń jekelegen qurylymdary, atap aıtqanda osy eldiń Syrtqy ister mınıstrligi Senattyń sońǵy sheshimin qoldamaıtyndaryn hormen málimdedi. Óıtkeni mundaı úndeýler Qarabaq qaqtyǵysyn sheshýdiń ári qaraıǵy prosesine qosymsha qıyndyqtar týdyrady.

Al Grıgorıı Trofımchýktyń pikirinshe, Qarabaq qaqtyǵysy aıaqtalǵannan keıin jańa shyndyq paıda bolǵanyn jasyryp qalýǵa bolmaıdy. Iaǵnı Qarabaqtyń kishkene bóliginde armándar ómir súre beredi, endi bul jaǵdaıdy syrttan basqarýǵa bolady. Sondyqtan Fransıa senatynyń "usynysyna" tym jeńil qaramaý kerek.  Bul qadam Aq úıdiń bolashaq jańa ákimshiligimen kelisilgenin moıyndaǵan jón.

– Parıj Ankaradan kek alǵysy keledi delik. Biraq Fransıany  EQYU Mınsk tobynan shyǵarý ońaı bolmaıdy, óıtkeni olar BUU júktegen mindetti oryndaıdy. Sonymen qatar, Fransıany Mınsk tobynan shyǵarýǵa Reseıdiń ózi  de daıyn emes jáne bul týraly birneshe ret aıtqan. BUU týraly aıtqanda Baký osy uıymnyń Qarabaq jerlerin qaıtarýǵa qatysty barlyq sheshimderinde áskerı kúshpen qaıtarý týraly birde-bir tarmaqta aıtylmaǵanyn este ustaýǵa májbúr bolady.

Meniń oıymsha, Fransıa sıaqty proseske qatysqan adamdar bul dáleldi daıyn dep sanaıdy. Sondyqtan, Fransıa senatynyń "qaǵaz paraǵynyń" artynda armán taqyrybyndaǵy osyǵan uqsas qaǵazdarda kórsetilgennen de kóp nárse bar. Sondyqtan Ázerbaıjan baqylaýshylary qanshalyqty zeıindi bolsa, soǵurlym jaqsy bolady, – dedi sarapshy.